24.08.2026 | 09:45
ՀՀ տարածքում ավտոճանապարհներն անցանելի են
Զարմանալի է Ձեր կողմից անուղղակի գովեստի խոսքեր լսել իմ հանդեպ․ Վարդանյանը՝ Մանուկյանին․ ՏԵՍԱՆՅՈւԹ
Քաղաքականություն
09.08.2021 | 11:00
Խորհրդարանում քննարկվում է մշտական հանձնաժողովների նախագահների ընտրության հարցը: Պետական-իրավական հարցերի մշտական հանձնաժողովի նախագահի՝ «Քաղաքացիական պայմանագիր» խմբակցության թեկնածուն Վլադիմիր Վարդանյանն է, ով նախորդ գումարման խորհրդարանում ևս այդ պաշտոնն էր զբաղեցնում:
«Հայաստան» խմբակցության պատգամավոր Գեղամ Մանուկյանն անդրադարձավ խնամի-ծանոթ-բարեկամ սկզբունքով պաշտոն զբաղեցնելու խնդրին` պնդելով, որ գործող իշխանությունները դատապարտում էին այդ երևույթը, սակայն որդեգրեցին այն:
Մանուկյանի խոսքով՝ նախկին նախարար, այժմ փոխվարչապետ Սուրեն Պապիկյանի բանակային ընկերներին կարելի է տարբեր պաշտոններում տեսնել:
Մանուկյանն ընթերցեց Վարդանյանի կենսագրությունից հատվածներ` նկատելով, որ նա 2003-ից տարբեր պաշտոններ է զբաղեցրել և ապա նշանակվել ՍԴ աշխատակազմի ղեկավար:
Մանուկյանի դիտարկմամբ` ի տարբերություն Վարդանյանի կարիերայի, գերատեսչություններրի գլխավոր քարտուղարներ են նշանակվում պատահական մարդիկ: Պատգամավորը հետաքրքրվեց, թե արդյո՞ք հանրային պաշտոնը չի հեղինակազրկվել:
Վլադիմիր Վարդանյանն արձագանքեց. « Հանրային ու քաղաքացիական ծառայությունում պրոֆեսիոնալիզմը կարևոր է, սակայն պետք է հասկանալ` որտեղ է ավարտվում հանրային ծառայությունը և որտեղ սկսվում քաղաքական պաշտոնների նշանակումը:
Զարմանալի է Ձեր կողմից անուղղակի գովեստի խոսքեր լսել իմ հանդեպ:
Այո՛, ես անցել եմ բոլոր ճանապարհները, գլխավոր մասնագետից սկսել եմ ու դարձել ՍԴ աշխատակազմի ղեկավար և հպարտանում եմ, որ երբեք «վերելակ» չեմ օգտագործել»,- նշեց Վարդանյանը՝ նաև կարծիք հայտնելով, որ եթե անձն ի վիճակի է հանրային պաշտոնում արդյունավետ ծառայել, երբ մի ոլորտից տեղափոխված մարդը կարող է ավելի արդյունավետ գործել, ուստի դեմ չէ նրա նշանակմանը:
Մանրամասները՝ տեսանյութում:
