Քաղաքականություն
08.08.2021 | 16:47
Կլիմայական փոփոխությունների հարցում գործելու անկարողությունը կհանգեցնի աշխարհի համար ճգնաժամային հետևանքների։ Այդ մասին հայտնել է ՄԱԿ-ը կլիմայական փոփոխությունների մասին իր հերթական զեկույցում, փոխանցում է CNN-ը։
Կայքը նշում է, որ հաջորդ ամենամյա ժողովի ընթացքում կառույցը կքննարկի գլոբալ տաքացման կանխմանն ուղղված քայլերը, որպեսզի փրկվեն մարդկային կյանքերը։
«Չեմ կարծում, որ ավելի հարմար բառ կա իրավիճակը նկարագրելու համար»,-The Observer բրիտանական թերթի հետ զրույցում ասել է ՄԱԿ-ի՝ Կլիմայանկան փոփոխությունների գագաթնաժողովի պատասխանատու նախարար Ալոկ Շարման՝ տեղի ունեցողն անվանելով ճգնաժամ։
Նրա խոսքերով՝ ամբողջ աշխարհում մոլեգնող հրդեհներն ամենադաժան կերպով զգուշացնում են այն մասին, որ մարդկային վերաբերմունքն անհանգստացնող տեմպերով արագացնում է գլոբալ տաքացումը:
«Մենք չենք կարող մեզ թույլ տալ սպասել 2 տարի, 5 տարի, 10 տարի։ Հիմա է գործելու պահը»,- ասել է Շարման։
Նշենք, որ վերջին շաբաթների ընթացքում կլիմայական փոփոխությունների պատճառով բազմաթիվ հրդեհներ են գրանցվել մի շարք երկրներում, այդ թվում՝ հարևան Ադրբեջանում ու Թուրքիայում։
