22.04.2026 | 13:08
UFC-ն հաստատել է Էդմեն Շահբազյանի ու Բրենդան Ալենի մենամարտը
Եվրասիական զարգացման բանկը 3 մլն դոլարի դրամաշնորհ կհատկացնի ԱՆ-ին. Ավանեսյան. ՏԵՍԱՆՅՈՒԹ
Տնտեսություն
06.08.2021 | 11:32
Կայունացման և զարգացման եվրասիական հիմնադրամը Հայաստանին 3 մլն դոլար դրամաշնորհ կտրամադրի` COVID-19-ի դեմ պայքարի արդյունավետությունը բարձրացնելու համար։
«Նախատեսվում է ՀՀ-ին տրամադրել 3 մլն դոլար դրամաշնորհ, որն ուղղվելու է առողջապահական համակարգի հզորացմանը, արդիականացմանը, քանի որ ինչպես ամբողջ աշխարհում, այնպես էլ Հայաստանում դեռ շարունակվում է կորոնավիրուսային համավարակի դեպքերի ալիքաձև աճը: Հիվանդությանը դիմակայելու, արագ արձագանքելու և հիվանդներին պատշաճ բժշկական օգնություն տրամադրելու համար անհրաժեշտ է համակարգն անընդհատ արդիականացնել, և մենք, կորոնավիրուսային համավարակը դիտարկելով մարտահրավեր, նաև դիտարկել ենք առիթ մեր համակարգում լրացուցիչ ներդրումներ անելու և պատրաստվածության աստիճանը բարձրացնելու, պատրաստ լինելու մեր այլ մարտահրավերներին դիմակայելու»,- կառավարության այսօրա նիստում նշեց առողջապահության նախարար Անահիտ Ավանեսյանը:
Նրա խոսքով՝ այս դրամաշնորհի շրջանակում նախատեսվում է Հիվանդությունների վերահսկման և կանխարգելման ազգային կենտրոնի երկու մարզային կենտրոնների՝ Արարատի և Արմավիրի մասնաճյուղերի ամբողջական վերակառուցում և վերազինում, ինչպես նաև Վանաձորի բժշկական կենտրոնին կից ինֆեկցիոն նոր մասնաշենքի կառուցում և համալրում:
Մանրամասները՝ տեսանյութում:
