14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքիան Հայաստանին կոչ է անում «զերծ մնալ ագրեսիվ հռետորաբանությունից ու գործողություններից»
Քաղաքականություն
06.08.2021 | 11:29
Անկարան Հայաստանին կոչ է անում զերծ մնալ ագրեսիվ հռետորաբանությունից ու գործողություններից, հավատարիմ մնալ իր ստանձնած պարտավորություններին ու զարգացնել համագործակցությունը տարածաշրջանի երկրների հետ։
Այս մասին ասվում է Թուրքիայի Ազգային անվտանգության խորհրդի հայտարարության մեջ, որն ընդունվել է երկրի նախագահ Ռեջեփ Թայիփ Էրդողանի նախագահությամբ կայացած նիստի արդյունքներով։ Գրում է «Անադոլու» գործակալությունը։
«Հայաստանը պետք է օգտագործի խաղաղության ու կայունության հնարավորությունը, որն ի հայտ է եկել առաջին անգամ երկար ժամանակ անց Հարավային Կովկասում»,- ասվում է հայտարարության մեջ։
Բացի այդ, նիստում քննարկվել են Թուրքիայում բռնկված հրդեհների դեմ պայքարի, քրդերի ու PKK-ի, ինչպես նաև Հյուսիսային Կիպրոսի հարցերը։
Էմմա Չոբանյան
