30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
ԵԱՀԿ-ն դիտորդներ չի ունենա ՌԴ-ում կայանալիք խորհրդարանական ընտրություններին
Քաղաքականություն
04.08.2021 | 22:03
ԵԱՀԿ-ն չի կարողանա դիտորդներ ուղարկել Ռուսաստանում կայանալիք Պետդումայի ընտրություններին հետևելու համար ՌԴ կողմից դիտորդների թվի սահմանափակման պահանջների պատճառով։ Այս մասին այսօր հայտարարել են ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) ղեկավարները։
«Ցավով նշում ենք, որ ԵԱՀԿ-ն չի կարող դիտորդական առաքելություն իրականացնել Պետդումայի առաջիկա ընտրություններին Ռուսաստանի Դաշնության իշխանությունների կողմից կիրառված սահմանափակումների պատճառով։
Սակայն պետք է նշել, որ արդյունավետ և հուսալի դիտարկումների համար անհրաժեշտ է, որ դիտորդների քանակն ինքնուրույն որոշի ցանկացած միջազգային դիտորդական առաքելություն»,- ասել է ԵԱՀԿ ԺՀՄԻԳ-ի տնօրեն Մատտեո Մեկաչին:
Հայտարարության մեջ նշվում է, որ ԵԱՀԿ-ն և ԵԱՀԿ ԽՎ-ն հրավիրվել են դիտարկելու սեպտեմբերի 17-19-ի քվեարկությունը, սակայն հետագայում սահմանափակվել են համապատասխանաբար 50 և 10 դիտորդներով: Սահմանափակումները ՌԴ իշխանությունները պատճառաբանել են երկրի սանիտարական իրավիճակով։
