29.06.2026 | 14:34
Երևանում հանրային սննդի օբյեկտի գործունեություն է կասեցվել
Մինսկում ձերբակալվել են փիլիսոփա Մացկևիչն ու ևս երկու հասարակական գործիչներ
Քաղաքականություն
04.08.2021 | 19:05
Մինսկում Անվտանգության պետական կոմիտեի կողմից անցկացված խուզարկություններից հետո ձերբակալվել են փիլիսոփա Վլադիմիր Մացկևիչը, հասարակական ակտիվիստ Վլադ Վելիչկոն և «Թռչող համալսարան» ոչ կոմերցիոն նախաձեռնության ղեկավար Տատյանա Վոդոլժասկայան։ Այս մասին գրում է DW-ի ռուսական ծառայությունը։
«Եվրոռադիո»-ի հաղորդմամբ՝ հայտնի չէ, թե ինչ գործով են նրանք ձերբակալվել։ Երեքն էլ կապ ունեն «ԵվրաԲելառուս» հասարակական կազմակերպության հետ։
2007 թվականին ստեղծված և 2009-ին Լիտվայում գրանցված այս կազմակերպությունը Բելառուսի Արևելյան գործընկերության քաղաքացիական հասարակության ֆորումի ազգային համակարգողն է և իր առաքելությունն է համարում «Բելառուսի եվրոպամետ զարգացումը՝ որպես եվրոպական հարաբերությունների լիիրավ սուբյեկտի բոլոր հնարավոր մակարդակներում»։
Մացկևիչը 2011-2016թթ․ եղել է «ԵվրոԲելառուս»-ի գործադիր մարմնի՝ Ռադայի ղեկավարը։ Վելիչկոն ղեկավարել է կազմակերպությունը 2007-2019թթ․, իսկ Տատյանա Վոդոլժասկայան նաև Եվրոպական վերափոխումների կենտրոնի ավագ վերլուծաբանն է, որը «Եվրոբելառուս»-ի կազմում է։
Էմմա Չոբանյան
