Ունեզրկման կողմ չեմ, բայց քաղաքացին պետք է տեսնի, որ պաշտոնյայի՝ ապօրինի հարստացումը պատժվում է․ Վարդան Հարությունյան. ՏԵՍԱՆՅՈՒԹ

Լուրեր

20.11.2026 | 09:46
Երևանում հրդեհ է բռնկվել խմորեղենի արտադրամասում․ դեպքի վայր է մեկնել հրշեջների 4 մարտական հաշվարկ
20.11.2026 | 09:30
Ամփոփիչ մրցաշար. Առաջին ռակետը 100 տոկոսանոց արդյունքով է դուրս եկել կիսաեզրափակիչ. ՏԵՍԱՆՅՈՒԹ
19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
Բոլորը

Ազգային ժողովի նոր կազմի, դատաիրավական բարեփոխումների ընթացքի մասին Factor TV-ն զրուցել է իրավապաշտպան Վարդան Հարությունյանի հետ

-Պարո՛ն Հարությունյան, մարդիկ՝ ընտրողները հենց այսպիսի՞ Ազգային ժողով էին ուզում տեսնել։

-Մարդիկ՝ ընտրողները, հենց այսպիսի Ազգային ժողով են ձևավորե՛լ։ Նրանք ոչինչ էլ չէին ցանկանում տեսնել։ Վերջին ընտրությունների վրա էական ազդեցություն ունեցավ ոչ թե ՀՀ գիտակից քաղաքացին, մարդը, որ գիտի իր պատասխանատվությունը, գիտի իր ձայնի արժեքը, գիտի՝ ինչի համար է քվեարկում, այլ մոլորված ընտրողը վճռեց այս ընտրությունների ելքը։

Մոլորված ընտրողը մոլորվել էր երկու ուժերի միջև եղած պայքարի համատեքստում։ «Վերադառնում են հները, դա սարսափելի է, չի կարելի թույլ տալ, որ վերադառնան հները», և մյուս դեպքում էլ՝ «պարտվածներն են գալիս իշխանության»։

-Դատաիրավական բարեփոխումներն են ընթացքի մեջ։ Մասնագետ գործընկերներս մատնանշեցին՝ հակակոռուցիոն մի քանի կառույց է ստեղծվում․ հահակոռուպցիոն կոմիտե, կոռուպցիայի կանխարգելման հանձնաժողով, հակակոռուպցիոն դատարան․․․ Ինչո՞ւ այսքան շատ։

-Դե, եթե ցանկանում ես որևէ գործ չանել, պետք է շատ լինեն այդ հանձնաժողովները։ Մեկը մեկի վրա կգցի ամեն ինչ։ Դուք սիրուն ձևակերպեցիք՝ դատաիրավական բարեփոխումներն ընթացքի մեջ են։ Ուրեմն տեղեկացնեմ, որ արդեն մի 25 տարի է՝ այդ նախադասությունը հնչում է։ Դատաիրավական բարեփոխումներն ընթացքի մեջ են։ 1996-1997 թվականներից ամեն տարի մի քանի անգամ լսում ենք՝ սկսած ամենավերին օղակներից։

-Վարույթներ կան անցումային արդարադատության գործիքներից մեկով։ Խոսքը ապօրինի գույքի բռնագանձման վարույթների մասին է։ Դրանցով անցնում են նախկին պաշտոնյաներ, նրանց հարազատներ և այլն։ Այստեղ ի՞նչ ռիսկեր եք տեսնում։

-Այդ մասին երկար խոսվեց, և ամենաճչացող խոսքն է, որ սրանից պոպուլիզմի հոտ է գալիս։ Որովհետև մինչև հիմա դեռ իրական հողի վրա ոչինչ չենք տեսել։ Ասենք՝ արդյունքը չենք տեսել։ Բայց այդ մասին խոսակցություն շատ ենք լսել։

Իհարկե, մարդիկ, երկար տարիներ աշխատելով պետական համակարգում, անօրինական գույքի են տիրացել կամ օգտագործելով իրենց պաշտոնական դիրքը՝ հարստություն են դիզել։ Ես ունեզրկումների կողմնակից չեմ։ Ես կողմնակից չեմ այդ հարստությունը կամ դիզածը բաժանել բոլորին։ Բայց ես կարծում եմ, որ մարդիկ, ՀՀ քաղաքացին պետք է տեսնի, որ այդ կարգի գործողությունները պատժվում են։ Դրանք կարող են լինել տարբեր կերպ։ Ես չեմ ցանկանում տեսնել այդ մարդկանց բանտերում, բայց ես ցանկանում եմ տեսնել արդարադատության հաղթանակ։

Հարցազրույցն ամբողջությամբ՝ տեսանյութում։

Գարիկ Հարությունյան