Քաղաքականություն
04.08.2021 | 12:25Խնդիր չեմ տեսնում, որ ես և կինս պատգամավոր ենք: Այս մասին Factor.am-ի հետ զրույցում նշեց «Իմ քայլը» խմբակցության պատգամավոր Նարեկ Բաբայանը՝ անդրադառնալով իր և Լենա Նազարյանի՝ պատգամավոր ընտրվելու վերաբերյալ քննադատություններին:
Հարցին, թե մեկ տնից երկու պատգամավորի առկայությունն արդյո՞ք Նիկոլ Փաշինյանի նշած «բաջանաղապետության» տրամաբանության մասին չի վկայում, Բաբայանը պատասխանեց. «Ո՛չ: Սա ընտրովի մարմին է, ես և իմ կինը եղել ենք մեր կուսակցության վարչության հիմնադիր անդամներ և ամուսնացել ենք կուսակցության հիմնադրումից և վարչության ընտրվելուց հետո:
Շահերի բախում չի կարող լինել, դա կարող է լինել միայն այն դեպքում, երբ մեկը մյուսին ընտրում է նույն խմբակցության դեպքում, այդ դեպքում մենք, եթե առաջադրվենք, մեկս մյուսի օգտին չենք քվեարկի»:
Նիկոլ Փաշինյանը միշտ քննադատում էր «խծբ» համակարգը, կարող էր ցուցակն այնպես ձևավորել, որ մեկ ընտանիքից երկու հոգի պատգամավոր չդառնար: Այս դիտարկմանն ի պատասխան՝ Բաբայանը նշեց. «Կարծում եմ՝ արհեստական քայլեր պետք չէր իրականացնել այդ առնչությամբ»:
Մանրամասները՝ տեսանյութում:
