27.11.2024 | 16:14
Լիտվան հայտարարել է, որ Ուկրաինա զորք ուղարկելու համար ամբողջ ՆԱՏՕ-ի համաձայնությունն անհրաժեշտ չէ
ԱՄՆ-ի և Իրանի միջև կալանավորված անձանց փոխանակման հարցը օրակարգից հանվել է
Քաղաքականություն
03.08.2021 | 20:33
ԱՄՆ-ի ու Իրանի միջև կալանավորված անձանց փոխանակման հարցն ամբողջովին հանվել է օրակարգից։ Այս մասին գրում է ՏԱՍՍ-ը՝ վկայակոչելով «Նուրնյուս» գործակալությանը։
«Չնայած նրան, որ Իրանն ավելի վաղ հրաժարվել էր սեփական առաջարկից՝ «բոլոր իրանցի կալանավորվածներին փոխանակել բոլորի ամերիկացիների հետ» սկզբունքով, պատրաստ է փոխանակման առանձին համաձայնագրի։ Սակայն հիմա, Բայդենի կառավարության ապակառուցողական վարքի պատճառով, Թեհրանն այլևս ոչ մի շարժառիթ չունի՝ շարունակելու այդ գործընթացը»,- ասել է գործակալության աղբյուրը։
Ապրիլի 27-ին Իրանի կառավարության պաշտոնական ներկայացուցիչ Ալի Ռաբին հայտարարել էր, որ Իրանի և ԱՄՆ-ի իշխանությունները դիվանագիտական մակարդակում մշակում են կալանավորված անձանց փոխանակելու հնարավորությունը։ ԱՄՆ իշխանությունները, ըստ իրանական կողմի, Իրանի 15 քաղաքացու են պահում, որոնց մեղադրում են ամերիկյան պատժամիջոցների շրջանցման մեջ։
Էմմա Չոբանյան
