27.11.2024 | 18:36
Լոնդոնում 6 մարդ է կալանավորվել քրդական PKK-ի հետ կապերի կասկածանքով
Աֆղանստանի բանակը Հիլմենդ նահանգի կենտրոնի բնակիչներին կոչ է արել լքել քաղաքը
Քաղաքականություն
03.08.2021 | 17:43
Աֆղանստանի բանակը դիմել է Հիլմենդ նահանգի Լաշկարգախա քաղաքի բնակիչներին՝ կոչ անելով լքել քաղաքը՝ «Թալիբան» ծայրահեղական շարժման կողմնակիցների դեմ լայնածավալ գործողություն իրականացնելու համար։ Այս մասին գրում է ՏԱՍՍ-ը՝ վկայակոչելով աֆղանական TOLO News հեռուստաալիքին։
Հաղորդվում է, որ աֆղանական բանակի 215-րդ կորպուսի հրամանատար, գեներալ Սամի Սադաթը կոչ է արել Լաշկարգախայի բնակչությանը լքել իրենց տները, քանի որ բանակը քաղաքը թալիբներից մաքրելու գործողություն է նախատեսում։ Գեներալի խոսքով՝ խաղաղ բնակիչների անվտանգությունը երկրի բանակի համար առաջնահերթություն է։
Ավելի վաղ էլ աֆղանական 1TV-ն հաղորդել էր, որ վերջին 3 օրվա ընթացքում կառավարական զորքերի և «Թալիբանի» զինյալների միջև Հիլմենդ նահանգում մարտերի հետևանքով 38 խաղաղ բնակիչ է զոհվել, 156-ը՝ տարբեր աստիճանի վնասվածք ստացել։
