19.11.2024 | 12:36
Փաշինյանից «sms» չեմ ստացել, մենք հերթական ընտրություններին ենք պատրաստվում. Փամբուխչյան. ՏԵՍԱՆՅՈՒԹ
ՀԱՊԿ-ը դեկորատիվ կառույց է․ այն պետք է Մոսկվային՝ ՆԱՏՕ-ին հակադրվելու համար․ ռուս փորձագետ. ՏԵՍԱՆՅՈՒԹ
30.07.2021 | 16:23
ՀԱՊԿ-ը դեկորատիվ կառույց է. այն ստեղծվել է Մոսկվայի կողմից և պետք է Մոսկվային՝ ՆԱՏՕ-ին հակադրվելու համար: Այս մասին «ՌԴ սահմանապահները հայ-ադրբեջանական սահմանին. Երևանի առաջարկի հետքերով» թեմայով առցանց քննարկման ժամանակ հայտարարեց «Քարնեգի» կենտրոնի փորձագետ Կիրիլ Կրիվոշևը:
«ՀԱՊԿ»-ը հարթակ է, որտեղ հավաքվում են մարդիկ և քննարկում ծավալում, դժվար թե ՀԱՊԿ-ը վճռորոշ գործունեություն իրականացնի դաշտում՝ նկատի ունեմ ռազմական գործողությունները, ՀԱՊԿ-ը գերադասում է «պատերազմել» սեղանի շուրջ՝ նստել և քննարկել», ասաց ռուս փորձագետը:
Հիշեցնենք՝ ՀՀ վարչապետի պաշտոնակատար Նիկոլ Փաշինյանը երեկ կառավարության նիստի ժամանակ հայտարարեց. «Կարծում եմ, որ Ադրբեջանի և մեր փոխադարձ մեղադրանքների իսկությունը պարզելու հարցում հնարավոր լուծումներից մեկը կարող է լինել ՀԱՊԿ մոնիթորինգային առաքելության տեղակայումը հայ-ադրբեջանական սահմանի երկայնքով, ինչը նախատեսված է ՀԱՊԿ-ի գործունեության իրավակարգավորումներով: ՀԱՊԿ-ի շրջանակներում նման առաքելություն իրականացնելու անհնարինության պայմաններում մեզ համար կարող են լինել միջազգային այլ ընդունելի ձեւաչափեր, ներառյալ՝ ԵԱՀԿ Մինսկի խմբի համանախագահությունը»:
Կրիվոշևը կարծիք հայտնեց, որ ռուս սահմանապահների հարցը կքննարկվի, բայց Մոսկվան ստիպված կլինի հաշվի առնել Ադրբեջանի կարծիքը:
Մանրամասները՝ տեսանյութում:
