10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
ANCA-ն Կոնգրեսին կոչ է անում 70 մլն դոլարի օգնություն հատկացնել Հայաստանին և Արցախին
Քաղաքականություն
08.03.2018 | 13:14
ԱՄՆ Կոնգրեսի Հայկական հարցերով հանձնախումբը Ներկայացուցիչների պալատում շրջանառության մեջ է դրել ստորագրահավաքի նամակ, որը կոչ է անում Ներկայացուցիչների պալատի արտաքին օգնության հատկացումների հանձնաժողովի նախագահ Հալ Ռոջերսին և հանձնաժողովի անդամ Նիտա Լոուեին 2019 ֆինանսական տարում աջակցել Արցախի և Հայաստանի համար 70 միլիոն դոլարի օգնության փաթեթին. տեղեկացնում է anca.org-ն:
«Շնորհակալություն ենք հայտնում կոնգրեսական Փալոնին և Հայկական հարցերով հանձնախմբի ղեկավար կազմում նրա գործընկերներին Արցախին և Հայաստանին ուղղված օգնության փաթեթի հարցում աջակեցլու համար»,- ասել է Ամերիկայի Հայ դատի հանձնախմբի գործադիր տնօրեն Արամ Համբարյանը:
Հանձնախումբը առաջարկում է 10 միլիոն դոլար հատկացնել Լեռնային Ղարաբաղին, 60 միլիոն՝ Հայաստանին: Նաև կոչ է արվում ռազմական որևէ օգնություն չտրամադրել Ադրբեջանին:
