15.09.2026 | 23:30
Օգոստոսին Հայաստան է այցելել 227,026 զբոսաշրջիկ
Պետք է հրավիրել Փաշինյանին, Զինված ուժերի ղեկավարներին, քննարկել իրավիճակը. Նաիրա Զոհրաբյան. ՏԵՍԱՆՅՈՒԹ
Քաղաքականություն
30.07.2021 | 12:42
ՀՀ ազգային ժողովի պատգամավոր Նաիրա Զոհրաբյանն ԱԺ արտահերթ նիստում հանդես եկավ առաջարկով. արտահերթ նիստից հետո հրավիրել հրատապ նիստ՝ վարչապետի պաշտոնակատարի, ԶՈՒ-ի, ՊՆ-ի ղեկավար մարմինների հետ քննարկելու սահմանային իրավիճակը:
«Սահմանային լարվածությունը հայ-ադրբեջանական սահմանին դեռ շարունակվում է: Նախօրեին ես հրապարակավ դիմել էի ԱԺ նախագահ Արարատ Միրզոյանին՝ առաջարկելով հրավիրել արտակարգ նիստ և քննարկել այն իրավիճակը, որ այսօր տեսնում ենք սահմանին: Երեկ Վարդենիսում անօդաչուներ էին թռչում, մենք ունենք երեք զոհ, ցավակցում եմ զոհերի ընտանիքին: Եվ ասել, թե Ադրբեջանը պահելու է գրավոր և բանավոր պայմանավորվածությունները, մեծ բլեֆ է»,- նշեց Զոհրաբյանը:
Պատգամավորը հավելեց, որ իր առաջարկը մնում է ուժի մեջ, պնդեց, որ արտահերթ նիստից հետո պետք է հրավիրել նիստ, հրավիրել վարչապետի պաշտոնակատար Նիկոլ Փաշինյանին, Զինված ուժերի, Պաշտպանության նախարարության ղեկավար մարմիններին, և, եթե անհրաժեշտություն կա, փակ ֆորմատով քննարկել ստեղծված իրավիճակը: Նա նշեց՝ առաջիկայում Մոսկվայում սպասվում են եռակողմ, բավականաչափ բարդ բանակցություններ:
«Հիմա իսկապես կոնսոլիդացվելու, միասնական քայլերով թուրք-ադրբեջանական տանդեմին գրագետ, համախմբված, ճիշտ քայլերով հակադարձելու ժամանակն է»,- ասաց Զոհրաբյանը՝ շեշտելով, որ Ադրբեջանը խախտում է գրավոր և բանավոր բոլոր պայմանավորվածությունները:
Մանրամասները՝ տեսանյութում:
