24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Պեսկովը հույս է հայտնել, որ Բաքվի ու Անկարայի հարաբերությունների զարգացումը չի վնասի տարածաշրջանի կայունությանը
Քաղաքականություն
29.07.2021 | 15:49
Կրեմլում հուսով են, որ Ադրբեջանի ու Թուրքիայի հարաբերությունների զարգացումը չի լինի ի վնաս տարածաշրջանային կայունության։ Ռիա Նովոստիի հաղորդմամբ՝ այսպիսի կարծիք է հայտնել ՌԴ նախագահի մամուլի խոսնակ Դմիտրի Պեսկովը։
Ավելի վաղ Թուրքիայի Ազգային Մեծ ժողովի նախագահ Մուստաֆա Շենթոփը հայտարարել էր, որ Թուրքիան ու Ադրբեջանը բանակցություններ են վարում համատեղ թյուրքական բանակի ստեղծման շուրջ։
Նշենք, որ հետագայում այս լուրը հերքվեց թուրքական կողմից՝ պատճառաբանությամբ , որ սխալ է թարգմանվել Շենթոփի խոսքը։ «Իհարկե, Ադրբեջանն ու Թուրքիան զարգացնում են երկկողմ կապերը։ Սա նրանց ինքնիշխան գործն է։ Կարևոր է, որ դա չվնասի տարածաշրջանում կայունությանն ու կանխատեսելիությանը։ Այդ առումով մենք մշտական շփման մեջ ենք ինչպես թուրք, այնպես էլ ադրբեջանցի գործընկերների հետ»,- ասել է Պեսկովը։
Նա նշել է, Կրեմլին հայտնի չէ այդ կապակցությամբ որևէ հայտարարություն Թուրքիայի կամ Ադրբեջանի նախագահների կողմից։
Էմմա Չոբանյան
