27.11.2024 | 22:27
Հայաստանի մի շարք հասցեներում էլեկտրաէներգիայի անջատումներ կլինեն
Պեսկովը խոսել է Վրաստանում անցկացվող ՆԱՏՕ-ի զորավարժություններին Ադրբեջանի մասնակցությունից
Քաղաքականություն
29.07.2021 | 15:24
Կրեմլում Վրաստանում անցկացվող ՆԱՏՕ-ի զորավարժությունները համարում են ուշադիր դիտարկման առարկա։ Այս մասին լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Եվս մեկ անգամ հաստատում եմ, որ ՆԱՏՕ-ն իր ռազմական ենթակառուցվածքներով մեր սահմանների շուրջ է, ոչ միայն մեր սահմանների շուրջ, այլև շփվում է մեր սահմանների հետ: Սա, իհարկե, մեր կողմից շատ մանրակրկիտ դիտարկման առարկա է»,- ասել է Պեսկովը։
Նա նշել է, որ ՆԱՏՕ-ի մոտեցումը Ռուսաստանի սահմաններին Մոսկվային պարտավորեցնում է քայլեր ձեռնարկել իր անվտանգության ապահովման համար։
Անդրադառնալով ՆԱՏՕ-ի այս զորավարժություններին Ադրբեջանի զինծառայողների մասնակցությանը՝ Պեսկովն ասել է, որ Ադրբեջանն ինքնիշխան պետություն է ու բարձր են գնահատում իրենց հարաբերությունները։
«Դրանք գործընկերային հարաբերություններ են, և կա ընդհանուր քաղաքական կամք այդ հարաբերություններն առավել զարգացնելու համար: Իհարկե, մեզ համար կարևոր է, որ նման զորավարժությունների սցենարները չենթադրեն մեր երկրի դեմ ինչ-որ քողարկված գործողություններ»,- ասել է Պեսկովը։
Նա նաև նշել է, որ վարժանքների սցենարները բազմազան են ՆԱՏՕ-ում և դաշինքը չի թաքցնում, թե ով է նրանց համար գլխավոր հակառակորդը:
Էմմա Չոբանյան
