15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Կանայք բողոքում են` ամուսիններն աշխատավարձի մի զգալի մաս թողնում են խաղակետերում. Փաշինյան. ՏԵՍԱՆՅՈՒԹ
Հասարակություն
29.07.2021 | 12:00
Մենք որևէ մեկին չենք կարող և չենք էլ ուզում արգելել գնալ խաղատուն, բայց ուզում ենք նրա ճանապարհին դնել որոշակի արգելակներ: Մենք չենք ուզում, որ հավելյալ միջոցներ լինեն, որոնք մարդուն կգայթակղեն գնալ խաղաղտում: Կարծում եմ՝ սա ճիշտ մոտեցում է: Այս մասին, այսօր՝ հուլիսի 29-ին, կառավարության նիստում հայտարարեց ՀՀ վարչապետի պաշտոնակատար Նիկոլ Փաշինյանը՝ անդրադառնալով խաղատնային բիզնեսին:
«Կան մարդիկ, որոնք ունեն պատշաճ միջոցներ այդպիսի ժամանց իրենց թույլ տալու: Բայց ես հիշում եմ Կապան կատարած իմ այցելությունը, երբ մարդիկ, հիմնականում կանայք, ինձ ասում էին, որ հենց բակերում այդ գրասենյակները դրած են, և իրենց ամուսինները աշխատավարձ ստանալիս հենց շքամուտքի դիմաց աշխատավարձի հաստատուն մի մասը թողնում են այդ գրասենյակներում: Մենք թույլ չենք տալու քաղաքացիների ճանապարհին թակարդներ դնել և նրանց փողը կոպեկ-կոպեկ ձեռքներից տանել:
Մեր գործողությունների նպատակը ոչ միայն քաղաքացիներին պաշտպանելն է, այլ նաև խաղատնային բիզնեսի իմիջը բարելավելը։ Դա պետք է ոչ թե որոգայթ լինի մարդկանց համար, այլ ժամանցի, սպասարկման ոլորտ, որը լինելու իրավունք ունի»,- հայտարարեց Փաշինյանը:
Մանրամասները՝ տեսանյութում:
