03.05.2024 | 19:10
Ռազմական էքսպոնատների տրանզիտ բեռը Մոսկվայում իջեցվեց, փաստաթղթեր էին ուզում․ Հակոբ Արշակյան. ՏԵՍԱՆՅՈՒԹ
ՄԱԿ-ը Բաքվին ու Երևանին զսպվածության կոչ է արել
Քաղաքականություն
28.07.2021 | 21:51
Հայաստանի և Ադրբեջանի սահմանին աճող լարվածությունը մտահոգում է ՄԱԿ-ին: Այս մասին չորեքշաբթի տեղի ունեցած ճեպազրույցի ժամանակ հայտարարել է ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հաքը՝ մեկնաբանելով հայ-ադրբեջանական սահմանին գիշերը տեղի ունեցած բախումների մասին տեղեկությունը, գրում է ՏԱՍՍ-ը:
«Մենք աճող մտահոգությամբ ենք հետևում Հայաստանի և Ադրբեջանի սահմանին լարված իրավիճակի մասին հաղորդումներին, այդ թվում ՝ այսօր գրանցված վերջին միջադեպի վերաբերյալ: Չնայած ՄԱԿ-ն ի վիճակի չէ ստուգել այդ տեղեկությունները, մենք երկու կողմերին էլ կոչ ենք անում զսպվածություն ցուցաբերել, ձեռնպահ մնալ գործողություններից, որոնք կարող են հանգեցնել էսկալացիայի, և առկա խնդիրները լուծել երկխոսության միջոցով»,- ասել է Հաքը:
Հիշեցնենք, որ Գեղարքունիքի ուղղությամբ հայ-ադրբեջանական սահմանին Բաքվի հերթական սադրանքի հետևանքով հայկական կողմը 3 զոհ և 5 վիրավոր ունի։
