08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
ՄԱԿ-ը թույլ կտա համաշխարհային առաջնորդներին անձամբ ներկա գտնվել Գլխավոր վեհաժողովի նստաշրջանին
Քաղաքականություն
27.07.2021 | 23:30
ՄԱԿ-ը որոշում է կայացրել թույլ տալ, որ աշխարհի առաջնորդներն անձամբ մասնակցեն սեպտեմբերին կայանալիք ՄԱԿ-ի Գլխավոր վեհաժողովի տարեկան նստաշրջանին կամ տրամադրեն նախապես ձայնագրված ելույթներ, եթե COVID-19 սահմանափակումները թույլ չեն տալիս նրանց ճանապարհորդել, գրում է «Ամերիկայի ձայն»-ը։
Դեմ առ դեմ հանդիպումների ջատագով, Գլխավոր վեհաժողովի նախագահ Վոլքան Բոզքիրը իր գրասենյակի միջոցով տարածել է հայտարարություն, որում նշել է, որ կազմակերպությունը զգալի ջանքեր է գործադրում, որպեսզի ամեն ինչ ընթանա բարձր մակարդակի վրա:
Անցյալ տարի COVID-19 համաճարակը ՄԱԿ-ի 75-ամյա պատմության մեջ առաջին անգամ թույլ չտվեց համաշխարհային առաջնորդներին մասնակցել Նյու Յորքում կառույցի նստաշրջանին:
Փոխարենը Գլխավոր վեհաժողովի դահլիճում ցուցադրվեցին առաջնորդների պատրաստված ելույթները: Յուրաքանչյուր երկիր ներկայացված էր մեկ դիվանագետով:
ՄԱԿ-ի մամուլի խոսնակի տեղակալ Ֆարհան Հաքը լրագրողներին ասաց, որ այս տարի կլինի «հիբրիդային սխեմա», ըստ որի՝ որոշ առաջնորդներ խոսելու են անձամբ, իսկ մյուսները` տեսաուղերձներով:
