24.04.2026 | 23:32
Կապանում ջրանջատում կլինի
Վրաստանում կորոնավիրուսի «Դելտա պլյուս» շտամով վարակվածներ են հայտնաբերվել
Քաղաքականություն
27.07.2021 | 22:17
Վրաստանում հայտնաբերվել է կորոնավիրուսի նոր՝ «դելտա պլյուս» շտամով վարակման երկու դեպք: Այս մասին տեղեկացրել է Վրաստանի Հիվանդությունների վերահսկման և հանրային առողջության ազգային կենտրոնի ղեկավար Ամիրան Գամկրելիձեն, նրա խոսքերն է փոխանցում հաղորդում է Новости-Грузия-ն:
Կայքը նշում է, որ «Դելտա պլյուսի» հայտնաբերման մասին առաջին անգամ հայտարարել են Մեծ Բրիտանիայում, սակայն դրանով վարակման դեպքեր առաջին անգամ եղել են ապրիլին։ Հնդկաստանում։ «Դելտա պլյուսը» «դելտա» շտամի նոր տարբերակն է, որը հայտնաբերվել է Հնդկաստանում 2020թ․ հոկտեմբերին։
ԱՀԿ-ն այս շտամը սովորական կորոնավիրուսից շատ ավելի վտանգավոր է համարում։ Ըստ մասնագետների՝ «Դելտա պլյուսն» արագ կապվում է մարդու թոքերի հետ։
Վրաստանում ներկայումս վարակվածների մինչեւ 50%-ը վարակված է «հնդկական շտամով»: Դրա տարածումը սկսվել է մայիսին։ Վարակվածների մյուս կեսը հիվանդացել է կորոնավիրուսի «բրիտանական շտամով», որը Վրաստանում հայտնվել է փետրվարի վերջին: Համաճարակաբանները կանխատեսում են, որ մոտ ժամանակներս «հնդկական շտամն» ամբողջությամբ կփոխարինի «բրիտանականին»:
