11.10.2026 | 11:22
Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի
ԱԺ-ն լրագրողների տեղաշարժը սահմանափակելու որոշում չունի. աշխատակազմի ղեկավար
Քաղաքականություն
27.07.2021 | 20:56
Այսօր «Պատիվ ունեմ» դաշինքից պատգամավոր ընտրված Թագուհի Թովմասյանը ֆեյսբուքյան էջում ահազանգել էր այն մասին, որ տեղեկություններ են շրջանառվում, թե խորհրդարանում լրագրողների տեղաշարժը սահմանափակելու որոշում է կայացվել։ Պատգամավորը շեշտել էր, որ «լրագրողի ազատությունն անհրաժեշտություն է և ոչ երբեք՝ գլխացավանք»։
Հարցի պարզաբանման նպատակով Թովմասյանը գրավոր դիմել է ԱԺ աշխատակազմի ղեկավարին։
Factor TV-ն կապ հաստատեց ԱԺ աշխատակազմի ղեկավար Առնակ Ավետիսյանի հետ՝ փորձելով պարզել՝ Ազգային ժողովում իսկապես որոշում կա սահմանափակել լրագրողների տեղաշարժը։
«Նման որոշում չկա։ Բացի այդ, նման սահմանափակում ԱԺ նախագահի որոշմամբ կարող է լինել»,-ասաց Ավետիսյանը։
Մերի Մարտիրոսյան
