29.06.2026 | 20:18
Նախատեսված հանդիպում չի եղել, առաջիկայում համոզված եմ՝ կլինի․ Փաշինյանը՝ Պուտինի հետ հանդիպման մասին. ՏԵՍԱՆՅՈՒԹ
Ադրբեջանի, Թուրքիայի և Պակիստանի խորհրդարանների նախագահները ստորագրել են «Բաքվի հռչակագիրը»
Քաղաքականություն
27.07.2021 | 19:27
«Բաքվի հռչակագրի» ստորագրմամբ այսօր ավատվել է Ադրբեջանի, Թուրքիայի և Պակիստանի խորհրդարանների ղեկավարների առաջին եռակողմ հանդիպումը։
Ադրբեջանական լրատվամիջոցների հաղորդմամբ՝ հռչակագիրը ստորագրել են Ադրբեջանի Միլի Մեջլիսի նախագահ Սահիբա Գաֆարովան, Թուրքիայի Ազգային մեծ ժողովի նախագահ Մուսթաֆա Շենթոփն ու Պակիստանի Ազգային Ասամբլեայի նախագահ Ասադ Կայսերը։
Գաֆարովան իր խոսքում նշել է, որ «Բաքվի հռչակագիրը» մեծ ներդրում կունենա երեք երկրների միջև ռազմավարական կապերի ամրպնդման գործում։ Շենթոփի կարծիքով էլ՝ փաստաթուղթը ներդրում կունենա տարածաշրջանային անվտանգության ապահովման գործում։
Կայսերն իր հերթին ասել է, որ եռակողմ ձևաչափի շրջանակում պարբերաբար հանդիպումներ կանցկացվեն՝ համագործակցության առանցքային հարցերի քննարկման համար։
Նշենք, որ հռչակագրի տեքստը դեռևս չի հրապարակվել։
Էմմա Չոբանյան
