Քաղաքականություն
27.07.2021 | 19:01
Բաքվում այսօր Ադրբեջանի, Թուրքիայի և Պակիստանի խորհրդարանների նախագահների առաջին եռակողմ հանդիպմանը Թուրքիայի Ազգային մեծ ժողովի նախագահ Մուստաֆա Շենթոպն ասել է, որ Անկարան Բաքվի հետ քննարկում է Քաբուլի միջազգային օդանավակայանի անվտանգության ապահովման հարցը։
«Աֆղանստանում իրավիճակի վատթարացման ֆոնին աճում է միգրացիայի ալիքը։ Ուզում ենք, որ «Թալիբան»-ը ձեռնպահ մնա իր նպատակներից, որ Աֆղանստանում իրավիճակը կարգավորվի»,- ասել է Շենթոփը։
Խոսելով «Բաքվի հռչակագրի» մասին՝ Շենթոփն ասել է, որ այն իր ներդրումը կունենա տարածաշրջանի անվտանգության գործում։
«Ուրախ եմ, որ հանդիպումն այսօր անցկացվում է Բաքվում։ Համարում եմ, որ նման ձևաչափով հանդիպումների անցկացումը կնպաստի եղբայրական երեք երկրների հարաբերությունների հետագա զարգացմանը»,- ասել է Թուրքիայի Ազգային մեծ ժողովի նախագահը։
Նա նաև հավելել է, որ այդ փաստաթուղթը եռակողմ հարաբերությունների ինստիտուցիոնալացման տեսակետից կարևոր դերակատարում կունենա։
Էմմա Չոբանյան
