19.11.2024 | 12:28
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
Տիգրան Արզաքանցյանը Գեղարքունիքի մարզպետին է ներկայացրել մարզում իր կատարած աշխատանքները
Հասարակություն
22.07.2021 | 18:42
Տիգրան Արզաքանցյանը և նրա կինը` Նատալիա Ռոտենբերգը հանդիպել են Գեղարքունիքի մարզպետ Գնել Սանոսյանին։ Այս մասին տեղեկանում ենք Արզաքանցյանի ֆեյսբուքյան էջից:
Հանդիպման ընթացքում անդրադարձ է կատարվել մարզի սոցիալ-տնտեսական իրավիճակի և դրա կարգավորման հնարավորությունների, մարզում աշխատատեղերի ստեղծման անհրաժեշտության, հետպատերազմյան իրավիճակի աստիճանական կագավորման, մարզային բնույթի այլ թեմաների:
Զրույցի ընթացքում Տիգրան Արզաքանցյանը ներկայացրեց այն աշխատանքները, որոնք ամուսինների հովանավորությամբ իրականացվել են Գավառ քաղաքում, վերջին ամիսների ընթացքում: Տիգրան Արզաքանցյանը և Նատալյա Ռոտենբերգը նշեցին, որ իրենք ունեն մարզում ներդրումային ծրագրերի իրականացման գաղափար և ակնկալում են Գեղարքունիքի մարզպետի և մարզպետարանի աջակցությունը՝ այն իրականություն դարձնելու հարցում:
Սանոսյանը նշեց` մարզպետարանը իր լիազորությունների և իրավասությունների շրջանակներում պատրաստակամ է աջակցել նման գաղափարների կյանքի կոչմանը, ինչը ենթադրում է նաև մարզում նոր և հիմնական աշխատատեղերի ստեղծում:
Ձեռք բերվեց պայմանավորվածություն առաջիկայում կազմակերպել ևս մեկ հանդիպում, որի ընթացքում հնարավոր կլինի ներդրումային ծրագրերին անդրադառնալ ավելի ընդլայնված ձևաչափով:
