27.11.2024 | 16:35
Թուրքիայի ԱԳՆ-ն կոչ է անում միջազգային հանրությանը ճնշում գործադրել Իսրայելի վրա և փոխհատուցել Լիբանանին պատճառած վնասները
Չինաստանում ջրհեղեղի հետևանքով զոհերի թիվը հասել է 25-ի, 100․000 մարդ տարհանվել է․ ԼՈւՍԱՆԿԱՐՆԵՐ
Քաղաքականություն
21.07.2021 | 19:44
Չինաստանի կենտրոնական Հենան նահանգում գրանցված ջրհեղեղի հետևանքով առնվազն 25 մարդ է զոհվել, մեծ մասը՝ Չժենչժոուի մետրոյում գրանցված հեղեղումների հետևանքով։ Օդերևութաբանները կանխատեսում են, որ տարածաշրջանում տեղումները կշարունակվեն, գրում է Reuters-ը։
Արդյունաբերական և տրանսպորտային հանգույց Չժենչժոուից, որտեղ խափանվել էր երկաթուղային և ճանապարհային հաղորդակցությունը, տարհանվել է շուրջ 100․000 մարդ: Ամբարտակներն ու ջրամբարները լցվել են մինչև նախազգուշական մակարդակի։ Հազարավոր զինվորականներ են ներգրավվել նահանգում փրկարարական աշխատանքներին:
Չինաստանի պետական լրտավամիջոցները հայտնել են մետրոյի թունելում հեղեղումների հետևանքով 12 զոհի ու 500 տարհանվածի մասին, իսկ սոցցանցերում տեսանյութեր են հայտնվում, որոնցում երևում է, թե ինչպես են մարդիկ վագոններում մինչև գոտկատեղը ջրի մեջ կանգնած։
«Ջուրը հասել էր մինչև կրծքավանդակս։ Ես իսկապես վախեցած էի, բայց ամենասարսափելին ոչ թե ջուրն էր, այլ վագոնում օդի պակասը»,- սոցիալական ցանցերում գրել է արհավիրքը վերապրածներից մեկը:
Տաթև Ֆռանգյան
