14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ-ն զինծառայողներ և ռազմական տեխնիկա է ուղարկել Բելառուս՝ համատեղ զորավարժություններ անցկացնելու համար
Քաղաքականություն
21.07.2021 | 20:17
Այսօր Բելառուս են ժամանել ռուս զինծառայողների ու ռազմական տեխնիկայի առաջին էշելոնները։ Ռուսաստանը դրանք ուղարկել է՝ համատեղ Արևմուտք-2021 զորավարժություններին մասնակցելու համար, ասվում է Բելառուսի ՊՆ պաշտոնական կայքում հրապարակված հաղորդագրության մեջ։
«Համատեղ ռազմավարական Արևմուտք-2021 զորավարժությունները տեղի կունենան երկու երկրների զորավարժարաններում սեպտեմբերի 10-ից 16-ը»,- ասված է ռազմական գերատեսչության հաղորդագրությունում։
Նախատեսվում է, որ ուսումնական վարժանքների շրջանակում Ռուսաստանի և Բելառուսի զինված ուժերը կմշակեն զորքերի խմբավորումների օգտագործումը՝ դաշնակից պետության ռազմական անվտանգությունն ապահովելու համար:
Հավելենք, որ ռազմավարական այս վարժանքներն անցկացվում են չորս տարին մեկ անգամ:
Ավելի վաղ էլ հաղորդվել էր, որ Ռուսաստանը ռազմական տեխնիկա է տեղափոխել տաջիկ-աֆղանական սահման՝ «Թալիբանի» հետ ռազմական գործողությունների ֆոնին վարժանքների համար:
Տաթև Ֆռանգյան
