16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Աշխարհը գնալով հեռանում է COVID-19 համաճարակի ավարտից․ ԱՀԿ
Քաղաքականություն
20.07.2021 | 23:19
Աշխարհը գնալով հեռանում է COVID-19 համաճարակի ավարտից: Սա, մասնավորապես, պայմանավորված է կորոնավիրուսի նոր շտամների առաջացման, պատվաստանյութերի բացակայության և սահմանափակող միջոցների չկատարման հետ: Այս մասին հայտարարել է Առողջապահության համաշխարհային կազմակերպության (ԱՀԿ) փորձագետ Մարիա վան Կերխովեն, գրում է Ամերիկայի ձայնը:
«Շատ վտանգավոր իրավիճակում ենք գտնվում: Իրավիճակը գնալով բարդանում է, և մենք ավելի ու ավելի ենք հեռանում այս համաճարակի ավարտից, քան ներկայումս կարող էր լինել», – ասել է ԱՀԿ մասնագետը:
Նրա կարծիքով՝ համաճարակը կշարունակվի COVID-19-ի նոր շտամերի ի հայտ գալու, սոցիալական խմբերի խառնվելու, պրոֆիլակտիկ միջոցներին չհետևելու և ընդդեմ վիրուսի պատվաստանյութի պակասուրդի պատճառով։
Վերջին շաբաթվա ընթացքում աշխարհում կորոնավիրուսի նոր դեպքերի թիվն աճել է 11.5% -ով, իսկ վարակի պատճառով մահացությունների թիվն աճել է 1% -ով, ընդգծել է Կերխովեն:
Նա նաև ավելացրել է, որ անցյալ շաբաթ Եվրոպայում 21% -ով ավելի շատ կորոնավիրուսի դեպք է գրանցվել, մինչդեռ Արևմտյան Խաղաղ օվկիանոսում վարակվածների թիվն աճել է 30% -ով:
Տաթև Ֆռանգյան
