19.11.2024 | 14:24
Մինչև 2018 թվականը ՀՀ-ում ռազմավարական երկարաժամկետ նպատակներ հայտարարված չեն եղել․ Արշակյան․ ՏԵՍԱՆՅՈՒԹ
Տոկիոյում մեկնարկել է ՄՕԿ-ի 138-րդ նստաշրջանը. հրապարակվել է ՄԱԿ-ի գլխավոր քարտուղարի ուղերձը
20.07.2021 | 13:20
Տոկիոյում աշխատանքներն է սկսել միջազգային օլիմպիական կոմիտեի (ՄՕԿ) 138-րդ նստաշրջանը: Բացելով նիստը Բախն ասել է, որ բազում տարակարծիքներ եղան օլիմպիական խաղերի կայացման վերաբերյալ: Այունամենայնիվ հաջողվեց համախմբվել Տոկիոյում. տեղեկացնում է ՀԱՕԿ-ի պաշտոնական կայքը:
ՄՕԿ-ի անդամները մեկ րոպե լռությամբ հարգել են կորոնավիրուսի համաճարակի հետևանքով կյանքից հեռացածների հիշատակը:
Ողջույնի խոսքով հանդես է եկել Ճապոնիայի վարչապետ Յոսիհիդե Սուգան: Ելուլթներ են ունեցել նաև Տոկիոյի նահանգապետ Յուրիկո Կոիկեն, Ճապոնիայի ԱՕԿ –ի ղեկավար Յասուհիրո Յամաշիտան, Տոկիոյի խաղերի կազմկոմիտեի նախագահ Սեյկո Հաշիմոտոն:
Հրապարակվել է Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշի ուղերձը:
«Օլիմպիական խաղերի չեղարկումն ամենահեշտ որոշումը կլիներ, սակայն ՄՕԿ-ն այդ տարբերակն անգամ չի էլ դիտարկել, մենք կստանայինք ապահովագրական վճար և կշարունակեինք նախապատրաստվել Փարիզում 2024թ. կայանալիք խաղերին, – ասել է Բախը: – ՄՕԿ-ն այդ եղանակով երբեք չի լքում իր մարզիկներին: Աննախադեպ քայլի գնացինք ու հետաձգեցինք խաղերը մեկ տարով: Անկեղծ ասած չգիտեինք, որ ամեն ինչ այսքան բարդ կլինի: Նախկինում նման մարտահրավերների հետ երբեք չենք բախվել: Այս ամենն իրականություն է դառնում մեր ճապոնացի գործընկերների շնորհիվ»:
ՄՕԿ-ի անդամները կգնահատեն ճապոնացիների կատարած աշխատանքը: Կընտրվի 2032 թվականի ամառային օլիմպիական խաղերի մայրաքաղաքը: Նստաշրջանի շրջանակներում կընտրվեն ՄՕԿ-ի ղեկավար պաշտոնները:
