19.11.2024 | 12:36
Փաշինյանից «sms» չեմ ստացել, մենք հերթական ընտրություններին ենք պատրաստվում. Փամբուխչյան. ՏԵՍԱՆՅՈՒԹ
ՀԱՀ-ում ապերտեիդի չեղարկումից հետո ամենազանգվային անկարգություններն են գրանցվում․ հազարավոր մարդիկ թալանում են խանութներն ու բանկոմատները․ ԼՈՒՍԱՆԿԱՐՆԵՐ
Քաղաքականություն
15.07.2021 | 20:48
Անցյալ շաբաթ Հարավային Աֆրիկայում սկսվել են զանգվածային անկարգություններ ու կողոպուտ՝ ապարտեիդի (ռասայական բաժանման՝ խտրականության քաղաքականություն․ ամենասուր ձևով արտահայտվել է ՀԱՀ-ում աֆրիկացիների և հնդիկների նկատմամբ) չեղարկումից հետո ամենալայնամասշտաբը, գրում է Meduza-ն։
Անկարգությունների համար առիթ է դարձել երկրի նախկին նախագահ Ջեյկոբ Զումայի ձերբակալությունը, սակայն դրա դրդապատճառ է դարձել նաև աղքատությունն ու ներկայիս իշխանություններից դժգոհությունը։ Արդեն անկարգությունների զոհ է դարձել 70-ից ավելի մարդ։
Դրանք սկսվել են այն բանից հետո, երբ երկրի նախկին նախագահ Ջեյկոբ Զուման հանձնվել է ոստիկանությանը՝ 15-ամսյա բանտարկությունը կրելու համար։
Երկրի նախկին նախագահը դատապարտվել է բանտարկության, քանի որ հրաժարվել է ցուցմունք տալ իր դեմ իրականացվող կոռուպցիայի մեղադրանքով դատավարության ժամանակ։ 79-ամյա Զուման ՀԱՀ նախագահ է եղել 2009-2018 թվականներին և մինչ օրս վայելում է հանրության աղքատ շրջանակների աջակցությունը։
Անհանգստությունները ՀԱՀ-ում սկսվել են որպես բողոք ընդդեմ Զումայի ձերբակալության, սակայն շուտով վերածվել են զանգվածային անկարգությունների՝ հազարավոր մարդկանց մասնակցությամբ։ Արդյունքում զոհվել է 72 մարդ, ավելի քան 1200 մարդ ձերբակալվել է։
Տաթև Ֆռանգյան
