26.04.2026 | 18:54
Գերմանիայում հետաքննում են ընդդեմ Բունդեսթագի կազմակերպված ֆիշինգային հարձակումները՝ Signal-ի միջոցով
Շրջված մեքենաներ, քանդված ասֆալտ ու գետեր՝ ճանապարհների փոխարեն. հորդառատ անձրևների հետևանքները Բելգիայում
Քաղաքականություն
15.07.2021 | 16:53
Բելգիայի արևելքում գտնվող Լիեժ նահանգում արդեն մի քանի օր չդադարող հորդառատ անձրևները հեղեղումների պատճառ են դարձել, գրում է Euronews-ը։
Շրջված մեքենաներ, քանդված ասֆալտ և վարարած կեղտաջրեր, որոնք ամեն ինչ քշում են իրենց ճանապարհին: Նման պատկեր է դիտվել Մերի գյուղում: Այնտեղ ափերից դուրս են եկել գետերը, ջուրը լցվել է փողոցներ՝ մարդկանց անակնկալի բերելով: Հաշված րոպեների ընթացքում տներ են հեղեղվել: Որոշ տների մեծ վնասներ են հասցվել։
Տեղեկացվում է, որ մոտ ժամանակներում տարերային աղետը չի նահանջի։ Օդերևութաբանների կանխատեսմամբ՝ այս շրջանում մինչև 100 մմ տեղումներ են տեղալու։ Նահանգում հայտարարվել է եղանակային պայմանների վտանգի կարմիր մակարդակ։
Տաթև Ֆռանգյան
