27.11.2024 | 20:50
Christian Dior-ը լուծարել է Ադրբեջանում իր ընկերությունը
Թբիլիսին ու Բաքուն քույր քաղաքներ դառնալու մասին հուշագիր են ստորագրել
Քաղաքականություն
13.07.2021 | 22:38
Թբիլիսիի և Բաքվի միջև ստորագրվեց քույրացման հուշագիր:
Վրաստանի առաջին ալիքի հաղորդմամբ՝ Թբիլիսիի քաղաքապետ Կախա Կալաձեն Ադրբեջանում Բաքվի գործադիր իշխանության ղեկավար Էլդար Ազիզովի հետ հանդիպման ժամանակ հայտարարել է, որ հուշագրի ստորագրումը մեծ նշանակություն ունի:
Նրա խոսքով՝ ներկայումս Թբիլիսին քույրացել է 20 քաղաքների հետ:
«Այսօր Թբիլիսիի եւ Բաքվի միջև կնքված քույրացման հուշագիրը շատ կարևոր է: Մեր քաղաքների միջև կար երկարամյա գործընկերություն: Բաքուն Թբիլիսիի համար կդառնա 21-րդ քույր քաղաքը: Հուսով եմ, որ հուշագիրը մեծ ներդրում կունենա Վրաստանի ու Ադրբեջանի միջև դարավոր հարաբերությունների խորացման գործում: Պայմաններ կստեղծեն տարբեր ոլորտներում մեր հարաբերություններն ավելի հետաքրքիր ու բարեկամական դարձնելու համար», – ասել է Կախա Կալաձեն:
Իր հերթին, Ազիզովը նշել է, որ Վրաստանն ու Ադրբեջանը երկար տարիների բարեկամական ու բարիդրացիական հարաբերություններ ունեն:
«Այսօր երկրների միջև հարաբերությունները զարգանում են շատ ոլորտներում: Երկկողմ այցերը նոր հնարավորություններ են ստեղծում մեր հարաբերությունների հետագա զարգացման համար»,- հայտարարել է Ազիզովը:
1997 թվականից Թբիլիսին և Բաքուն գործընկեր քաղաքներ են:
