18.11.2024 | 12:37
Հեռանում եմ հանգիստ և խաղաղ․ Գնել Սանոսյանը աշխատանքից ազատման դիմում է գրել
Գագիկ Ջհանգիրյանի ուղերձը Վճռաբեկ դատարանի հիմնադրման 23-ամյակի առթիվ. ՏԵՍԱՆՅՈՒԹ
Հասարակություն
13.07.2021 | 10:07
«Հարգելի՛ գործընկերներ, շնորհավորում եմ ՀՀ Վճռաբեկ դատարանի կազմավորման 23-ամյակի առթիվ:
1998 թվականի հուլիսի 10-ից սկսելով իր գործունեությունը՝ Վճռաբեկ դատարանը կարևորագույն առաքելություն է ստանձնել՝ Սահմանադրության համապատասխան իրականացնել բարձրագույն դատական ատյանի իր գործառույթները:
Վճռաբեկ դատարանի կողմից իրավունքի զարգացման և դատական պրակտիկայի միասնականության ապահովման երաշխավորումն անկյունաքարային նշանակություն ունի պրակտիկայի կայունացման և կանխատեսելիության համար:
Վճռաբեկ դատարանի գործունեության մեջ առանձնակի կարևորություն է ձեռք բերում մի կողմից՝ սահմանադրի և օրենսդրի կամքի իրագործումը՝ ՀՀ-ի անունից կայացվող բոլոր դատական ակտերում, մյուս կողմից՝ մարդու իրավունքների և ազատությունների առավել արդյունավետ ապահովման ուղղությամբ Սահմանադրության և միջազգային իրավական ակտերում ամրագրված դրույթների մեկնաբանումը:
Պետք է ասել, որ Վճռաբեկ դատարանը կարողացել է ճկուն իրագործել այս երկու խնդիրները, միաժամանակ, ցուցաբերած դատական ակտիվիզմի արդյունքում ստեղծել է իրավունքի զարգացման արդի մակարդակին համահունչ դատավարական բնույթի նորմեր, որոնք իրենց ամրագրումն են ստացել Վճռաբեկ դատարանի ձևավորած իրավապահ և դատական մարմինների առօրյայում կիրառվող կայուն հաստատված նախադեպային իրավունքով:
Մեկ անգամ ևս շնորհավորելով Վճռաբեկ դատարանի մեր գործըներներին՝ ցանկանում եմ համոզմունք հայտնել, որ նորընտիր նախագահի ղեկավարությամբ դատարանն է՛լ ավելի հետևողական ու անշեղ կիրականացնի իր սահմանադրական առաքելությունը, ինչով կնպաստի արդարության և արդարադատության հանդեպ մեր ժողովրդի խաթարված հավատի վերականգնմանը»:
Բարձրագույն դատական խորհրդի նախագահի պաշտոնակատար Գագիկ Ջհանգիրյան
