19.12.2025 | 14:02
40-ամյա Ռոնալդուի տրանսֆերային արժեքը չի փոխվել
«Դիլիջան ազգային պարկ»-ում կատարված ապօրինի ծառահատման դեպքը բացահայտվել է
Հասարակություն
12.07.2021 | 17:52
«Դիլիջան ազգային պարկ»-ում կատարված ապօրինի ծառահատման դեպքը բացահայտվել է։ Այս մասին տեղեկացնում է ՀՀ Շրջակա միջավայրի նախարարությունը։
«Սույն թվականի հունիսի 28-ին «Բնապահպանի տուն» հասարակական նախաձեռնությունն ահազանգել էր «Դիլիջան» ազգային պարկի տարածքում ծառահատման դեպքի վերաբերյալ։Շրջակա միջավայրի նախարարի բանավոր կարգադրությամբ ահազանգը ստանալուց անմիջապես հետո՝ կեսգիշերին, ազգային պարկի փոխտնօրենի գլխավորությամբ պահնորդական խումբն այցելել էր դեպքի վայր և ահազանգել ՀՀ Ոստիկանության Դիլիջանի բաժին։ Հաղորդման հիման վրա Ոստիկանությունում կազմվել էր արձանագրություն և հարուցվել վարույթ։
Դիլիջանի ոստիկաններն Ազգային անվտանգության ծառայության Դիլիջանի ստորաբաժանման ծառայողների հետ համատեղ միջոցառումների արդյունքում՝ արագ կարողացան բացահայտել հանցագործությունը․ փայտանյութի մնացած մասն հայտնաբերվել և ի պահ է հանձնվել «Դիլիջան» ազգային պարկ ՊՈԱԿ-ին։
Շնորհակալություն ենք հայտնում ահազանգելու համար։ ՀՀ բոլոր քաղաքացիներին հորդորում ենք նման դեպքերում անհապաղ ահազանգել ՀՀ Ոստիկանություն, Բնապահպանության և ընդերքի տեսչական մարմին կամ դիմել Շրջակա միջավայրի նախարարություն»,- ասվում է տարածված հաղորդագրությունում։
