07.10.2026 | 23:48
Արթուր Դանիելյանը կալանավորվեց
Նախընտրական պաստառները վնասելու առնչությամբ 6 բացահայտված գործ ունենք. ոստիկանապետի տեղակալ. ՏԵՍԱՆՅՈՒԹ
Հասարակություն
12.07.2021 | 16:25
Սահմանադրական դատարանը շարունակում է 2021 թվականի հունիսի 20-ի արտահերթ խորհրդարանական ընտրությունների արդյունքները վիճարկելու վերաբերյալ միավորված գործի դատաքննությունը:
ՀՀ ոստիկանապետի տեղակալ Արա Ֆիդանյանը ներկայացրեց ընտրությունների նախապատրաստման և անցկացման ընթացքում ոստիկանության կողմից իրականացված աշխատանքները՝ կապված հասարակական կարգի պահպանության և անվտանգության ապահովման, հանցագործությունների կանխարգելման ու բացահայտման, ընտրացուցակների ճշգրտման և մի շարք այլ կարևոր ուղղությունների հետ:
Արա Ֆիդանյանը նաև անդրադարձավ ընդդիմադիրների այն մեղադրանքներին, թե ոստիկանության ուժերի օգտագործմամբ իշխանությունը վարչական ռեսուրս է կիրառել նախընտարակն փուլում։
Ֆիդանյանի խոսքով՝ ոստիկանության ծառայողներն իրականացրել են բացառապես օրենքով սահմանված հանրային վայրերում հասարակական կարգի պահպանությունն ապահովելու իրենց լիազորությունը։
«Ոստիկանությունը մշտապես ցուցաբերել է հավասարակշռված մոտեցում բոլոր կուսակցությունների և խմբակցություների առումով։ Մասնավորապես, 2021 հունիսի 17-ին Երևանի Հանրապետության հրապարակում տեղի է ունեցել ընտրություններին մասնակից կուսակցություններից մեկի հանրահավաքը, որի ընթացքում պատշաճ հասարակական կարգ ու անվտանգություն ապահովելու նպատակով ծառայության էր ներգրավվել մոտ 700 ոստիկան։ Այստեղ ձեզ մոտ կարող է կարծիք ձևավորվել, որ հանրահավաքը սպասարկվել է ոստիկանական մեծաթիվ ուժերով, և օգտագործվել է վարչական ռեսուրս, ինչպես պնդում են դիմումում։ Պետք է խնդրեմ չշտապել գնահատական տալուց։ Հաջորդ օրը միևնույն վայրում անցկացվել է մեկ այլ հանրահավաք՝ այլ քաղաքական ուժի կողմից։ Կարծում եմ՝ ակնհայտ է, որ ուժի մասին է խոսքս։ Եվ ի՞նչ եք կարծում, որքա՞ն ուժ է ներգրավվել այս անգամ ոստիկանության կողմից։ Այո՛, կրկին մոտ 700 ծառայող։ Ի՞նչ է ստացվում, այս անգամ ևս ոստիկանությունը վարչական ռեսո՞ւրս է կիրառել։ Հետևությունները թողնում եմ ձեր դատին»,- նշեց Արա Ֆիդանյանը։
Ոստիկանապետի տեղակալը նաև տեղեկացրեց, որ նախընտրական շրջանում և ընտրությունների օրը ոստիկանություն բերված անձանց թիվը բավականին մեծ էր. «Այն դեպքում, երբ նախընտրական քարոզարշավի ընթացքում տեղի ունեցած ընտրախախտումների վերաբերյալ միայն ոստիկանությունում արձանագրվել է 285 դեպք, որոնցից ընթացք է տրվել 132 դեպքի»:
Ֆիդանյանը նաև նշեց, որ նախընտրական պաստառները վնասելու առնչությամբ 6 գործ է բացահայտվել:
Մանրամասները՝ տեսանյութում:
