08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
«Թալիբները» հայտարարել են Իրանի հետ սահմանային անցակետի գրավման մասին
Քաղաքականություն
09.07.2021 | 12:55
«Թալիբները» պնդում են, որ գրավել են Աֆղանստանի և Իրանի սահմանի գլխավոր սահմանային անցակետը։ Այս մասին հայտնում է «ՌԻԱ Նովոստին»՝ վկայակոչելով «Թալիբան» շարժման ներկայացուցիչներին։
Աղբյուրի տեղեկություններով՝ Իսլամ-Կալա բնակավայրն ամբողջությամբ վերահսկվում է շարժման անդամների կողմից։
Նշվում է, որ թալիբներն այսօր մտադիր են վերսկսել սահմանային անցակետի աշխատանքը։
Հիշեցնենք՝ «Թալիբան» ծայրահեղական շարժման ներկայացուցիչ Զաբիուլլահ Մոջահեդը հայտնել էր, որ գրոհայինները գրավել են, ընդհանուր առմամբ, Աֆղանստանի տարբեր նահանգների 169 շրջան, մինչդեռ աֆղան գեներալներից մեկը հերքել է այս տեղեկությունը: Թալիբների ներկայացուցչի պնդմամբ՝ վերջին երկու ամսվա ընթացքում «Թալիբան» շարժումը գրավել է շուրջ 400 շրջաններից 167-ը, իսկ օրերս վերահսկողություն հաստատել ևս երկու շրջանի վրա՝ Հերաթ և Զաբուլ նահանգներում:
Տաթև Ֆռանգյան
