24.08.2026 | 19:36
Մարադոնայի ձեռքով գոլի գնդակը 3,35 միլիոն դոլարով վաճառվել է աճուրդում
Ապօրինի ներգաղթյալները Թուրքիայից են մուտք գործում Բելառուս, իսկ այնտեղից՝ Լիտվա․ Reuters
Քաղաքականություն
08.07.2021 | 17:12
Լիտվայի ԱԳ նախարար Գաբրիելիուս Լանդսբերգիսը խնդրել է Թուրքիայի արտգործնախարարին՝ օգնել հայտնաբերել Բելառուսից Լիտվա ժամանող անօրինական ներգաղթյալներին: Այս մասին գրում է Reuters-ը:
«Մարդկանց մեծ մասը Թուրքիայից են այնտեղ ժամանում՝ թուրքական ավիաընկերությունների թռիչքներով: Կարծում ենք, որ Թուրքիան գիտի նրանց ինքնությունը։ Թուրքիայի հետ համագործակցությամբ մենք կարող ենք հեշտությամբ բացահայտել նրանց ինքնությունը և պահանջել, որ հետ ընդունվեն այն պետությունների կողմից, որտեղից եկել են»,- ասել է Լանդսբերգիսը:
Լիտվացի նախարարի խոսքով՝ չորեքշաբթի նա իր մոտ է հրավիրել Բելառուսի դեսպանին՝ Մինսկից պահանջելով դադարեցնել անօրինական ներգաղթյալների հոսքը սահմանից այն կողմ:
Հիշեցնենք, որ Լիտվայում քննարկվում է Բելառուսի հետ սահմանին ցանկապատի կառուցման հարցը: Նաև հաղորդվում է, որ Լիտվայում արդեն Բելառուսից 1000-ից ավելի ապօրինի ներգաղթյալներ կան։
Տաթև Ֆռանգյան
