15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Աֆղանստանում թալիբները հասել են Թուրքմենստանի սահմանին
Քաղաքականություն
05.07.2021 | 20:44
Աֆղանստանում «Թալիբան» շարժման զինյալները գրավել են Թուրքմենստանին սահմանակից Անդհոյ նահանգը։ Այս մասին հուլիսի 5-ին հայտնել է «Թուրքմենստանի քրոնիկոն» գործակալությունը, գրում է EurAsia Daily-ն:
Այս նահանգում է տեղակայված Ակինա ցամաքային նավահանգիստը, որտեղով Թուրքմենստանից տեղի շուկաներ սնունդ էր մատակարարվում։ Այն դեռևս մնում է իշխանական ուժերի վերահսկողության ներքո, սակայն մեկ շաբաթ առաջ դրա աշխատանքը դադարեցվել է։ Հաղորդվում է, որ մեկ շաբաթվա ընթացքում սննդամթերքի գինն աճել է երկու անգամ, և հիմա այդ տարածքների բնակիչները վախենում են սովից։
Թալիբները գրավել են նաև Տաջիկստանի հետ սահմանամերձ շրջանները, բացի այդ՝ բախումների հետևանքով աֆղանական կառավարական զորքերի 1500 զինվորական նահանջել է դեպի Տաջիկստան։
Հիշեցնենք՝ Աֆղանստանում իրավիճակը սրվել է այն բանից հետո, երբ ԱՄՆ-ը և ՆԱՏՕ-ի շրջանակում Վաշինգտոնի գործընկերները սկսել են զորքերը դուրս բերել այդ երկրից։ Ենթադրվում է, որ այս գործընթացը կավարտվի մինչև այս տարվա սեպտեմբերի 11-ը։
Տաթև Ֆռանգյան
