18.12.2025 | 17:09
ՌԴ գործընկերներին խնդրել եմ շտապ զբաղվել ՀՀ տարածքում երկաթուղու որոշ հատվածների վերականգմամբ․ Փաշինյան
Արձանագրվել է մարմնական վնասվածքի 6, խարդախության՝ 3 դեպք. Արցախի ոստիկանությունն ամփոփում է շաբաթը
Հասարակություն
05.07.2021 | 18:54
2021 թվականի հունիսի 28-ից հուլիսի 4-ն ընկած ժամանակահատվածում Արցախի ՆԳ նախարարության ոստիկանության քաղաքային ու տարածքային բոլոր ստորաբաժանումներն իրականացրել են ուժեղացված ծառայություն. տեղեկանում ենք Արցախի ոստիկանությունից:
Նախորդ շաբաթվա համեմատ զգալիորեն նվազել են ճանապարհատրանսպորտային պատահարների մասին դեպքերը:
Հունիսի 28-ից հուլիսի 4-ն ընկած ժամանակահատվածում հանրապետության տարածքում արձանագրվել է մարմնական վնասվածքի՝ 6, խարդախության՝ 3, գույքի դիտավորությամբ ոչնչացման՝ 1, համակարգչային հանցագործության՝ 1, թմրանյութի հայտնաբերման՝ 3, պաշտոնեական լիազորությունների չարաշահման՝ 1, բռնություն իշխանության ներկայացուցչի նկատմամբ՝ 1, դիակի հայտնաբերման՝ 1, զենք-զինամթերքի կամավոր հանձնման՝ 2 դեպք: Մեկ անձի նկատմամբ հայտարարվել է հետախուզում:
Ոստիկանության ստորաբաժանումների օպերատիվ խմբերը օրենքով սահմանված կարգով ընթացքավորել են գրանցված դեպքերը։
Ընդհանուր առմամբ՝ կատարված հանցագործությունների, դեպքերի և պատահարների վերաբերյալ hերթապահ մասում գրանցվել է 40 հաղորդում:
Հունիսի 28-ից հուլիսի 4-ն ընկած ժամանակահատվածում ԱՀ տարածքում գրանցվել է 25 ճանապարհատրանսպորտային պատահար, որից 18-ը՝ նյութական վնասով, 7-ը՝ մարմնական: ՃՏՊ դեպքերից բուժհաստատություն է դիմել 10 քաղաքացի:
