24.08.2026 | 21:14
Կառավարությունը ներկայացրել է 2026-2031 թթ․ գործունեության հիմնական ուղենիշները
Դոնալդ Թրամփի ընկերությանը մեղադրանք է առաջադրվել հարկային մեքենայությունների համար․ NYT
Քաղաքականություն
01.07.2021 | 19:31
Նյու Յորքի ատենակալների դատարանը մեղադրանք է առաջադրել ԱՄՆ նախկին նախագահ Դոնալդ Թրամփի Trump Organization-ին և դրա ֆինանսական տնօրեն Ալեն Վայսելբերգին, գրում է The New York Times-ը։
Նշվում է, որ մեղադրանքների մանրամասները պետք է հրապարակվեն մինչ հինգշաբթի, այն բանից հետո, երբ Վայսելբերգը և Trump Organization-ի փաստաբանները ներկայանան դատարան:
Հրատարակչության տվյալների համաձայն՝ գործը վերաբերում է լուրջ արտոնություններին, որը ստացել է ֆինանսական տնօրենը, այդ թվում՝ բնակարան Մանհեթենում, Mercedes-Benz մեքենաների վարձակալություն և իր թոռներից մեկի՝ մասնավոր դպրոցում ուսուցման վճարում։ Այժմ դատախազությունն ուսումնասիրում է՝ արդյո՞ք Վայսելբերգը պետք է դրանց համար հարկեր վճարեր:
Ավելի վաղ հաղորդվել էր, որ Նյու Յորքի դատախազությունը նախատեսում է քրեական գործ հարուցել ընկերության և դրա ֆինանսական տնօրենի դեմ:
ԱՄՆ Գերագույն դատարանը նաև երկրի նախկին նախագահ Դոնալդ Թրամփին պարտավորեցրել է Նյու Յորքի դատախազությանը տրամադրել իր ֆինանսական հաշվետվությունները:
Տաթև Ֆռանգյան
