30.06.2026 | 10:26
Մոնակոյում բնակելի շենքում պայթյուն է որոտացել․ ուկրաինացի գործարար է վիրավորվել
Թուրքիայում շարունակվում են հարձակումները ընդդիմության դեմ․ VOA-ի անդրադարձը
Քաղաքականություն
28.06.2021 | 23:01
Զինված անձի կողմից Թուրքիայի քրդամետ կուսակցության նահանգային գրասենյակի վրա մահացու հարձակումը մտահոգությունների տեղիք է տալիս, հաղորդում է Ամերիկայի Ձայնը։
Ստամբուլում բողոքի ակցիայի մասնակիցները դուրս են եկել փողոց Դենիզ Պոյրազի լուսանկարներով, ով սպանվել է քրդամետ HDP կուսակցության նահանգային գրասենյակի վրա կատարված հարձակման արդյունքում:
Երկրի ողջ տարածքում մարդիկ իրենց բողոքի ձայնն են բարձրացրել ու արտահայտել վրդովմունքը Պոյրազի սպանության կապակցությամբ: ՛՛Մենք ուզում ենք ապրել ազատ և ժողովրդավարական երկրում՛՛ ասում են քաղաքացիները, ովքեր նշում են, որ այս սադրիչ հարձակումները վախի մթնոլորտ են սերմանում երկրում:
Զինված հարձակման մեջ կասկածյալը բերման է ենթարկվել ոստիկանություն, ուր HDP-ին մեղադրել է ահաբեկիչների հետ կապ ունենալու մեջ: Դա կառավարության կողմից բազմիցս հնչեցվաած մեղադրանք է, ըստ որի կուսակցությանը մեղադրում են ահաբեկչական կառույց ճանաչված PKK- ի հետ կապ ունենալու մեջ:
«Մենք լավ գիտենք, թե որտեղից են գալիս այսպիսի հարձակումները, ինչպես են դրանք իրականացվում և որքան հեռու կարող ենգնալ: Մենք խոսում ենք կոալիցիոն կառավարության մասին, որը սպառնում է մեր կուսակցությանը և թիրախավորում մերանդամներին»,- ասում է HDP- ի պատգամավոր Մուսա Պիրոգլուն:
Թուրքիայի նախագահ Ռեջեփ Թայիփ Էրդողանը դատապարտեց Պոյրազի սպանությունը հարձակումից երեք օր անց: Իրավապաշտպան խմբերը նախազգուշացնում են, որ Պոյրազի սպանությունը կարող է վերջինը չլինել, եթե կուսակցության ղեկավարությունը չփոխի իր հռետորաբանությունը:
«Իշխող կոալիցիայի համար ընդդիմության դեմոնիզացումը շատ ավելի օրինական է դարձել: Մենք տեսնում ենք այս հուսահատ դիսկուրսը, որն ուղղված է տարբեր կուսակցություններին: Մենք գտնվում ենք շատ վտանգավոր ժամանակաշրջանի շեմին, եթե նման տեսակի հարձակումները կրկնվեն ու ականատես լինենք նման այլ օրինակների: Եվ դա տեղի կունենա, քանի դեռ չկա դրան կանխելու իրական քաղաքական կամք»,- ասում էHuman Rights Watch- ի Թուրքիայի գծով հետազոտող Էմմա Սինքլեր-Վեբը:
Բոլոր ընդդիմադիր կուսակցությունների մասին խոսելիս Էրդողանն ու նրա կողմնակիցները օգտագործել են «ահաբեկիչների աջակիցներ» պիտակը: «Լավ կուսակցության» կողմից հավանական նախագահական թեկնածու Մերալ Աքսեները կառավարության աջակիցներից մեկի կողմից մեղադրվել է ահաբեկչության մեջ, իսկ Ստամբուլում գլխավոր ընդդիմության ՝ CHP- ի ղեկավարը պարբերաբար ստանում է սպառնալիքներ:
«Որքան շատ ենք աշխատում, այնքան նրանք ավելի շատ են վախենում, որի հետևանքով ավելի շատ են հարձակվում: Այս արատավոր ցիկլը ինչ-որ պահին կդադարի, սակայն ես չեմ վախենա ու հետ կանգնեմ»,- ասում է Ստամբուլում CHP- ի ղեկավար Քանան Քաֆթանչօղլուն:
Պոյրազիի մահը սգողները հուսով են, որ նրա մահը ազդակ կհանդիսանա, ու նա կլինի վերջին զոհը սրվող քաղաքական բևեռացման և ատելության խորացման այս իրավիճակում:
