05.05.2024 | 16:18
Փլուզում Սիմեոն Երևանցու փողոցում
ԵՄ Խորհուրդը հավանության է արժանացրել Հայաստանի հետ համատեղ ավիացիոն տարածքի մասին համաձայնագրի ստորագրմանը
Քաղաքականություն
28.06.2021 | 18:50
ԵՄ Խորհուրդը հավանության է արժանացրել Հայաստանի, Ուկրաինայի, Կատարի և Թունիսի հետ համատեղ ավիացիոն տարածքի մասին համաձայնագրի ստորագրմանը։ Այս մասին ասված է ԵՄ Խորհրդի կայքում այսօր հրապարակված հաղորդագրության մեջ։
«Այսօր Խորհուրդը հավանություն է տվել ավիացիայի հարևանության մասին 3 համաձայնագրի ստորագրմանը Ուկրաինայի, Հայաստանի ու Թունիսի, ինչպես նաևԿատարի հետ»,- ասված է հաղորդագրությունում։
Սույն համաձայնագրերը կբացեն օդային բեռնափոխադրումների շուկան՝ նոր հնարավորություններ առաջարկելով ինչպես սպառողներին, այնպես էլ օպերատորներին։
«Հարևանության մասին երեք համաձայնագրերը կվերացնեն ԵՄ հարևան երկրների հանդեպ շուկայական սահմանափակումները, և այդ երկրները կմիանան ԵՄ ներքին ավիացիոն շուկային, քանի որ նրանք ընդունել են ԵՄ ավիացիոն ստանդարտները և կկիրառեն ԵՄ ավիացիոն կանոնները»,- ասված է հայտարարության մեջ:
Տաթև Ֆռանգյան
