01.03.2026 | 16:41
ՌԴ քաղաքացիները կարող են Իրանից Ռուսաստան վերադառնալ Հայաստանի տարածքով․ ՀՀ-ում ՌԴ դեսպանություն
Կանադայում 4 կաթոլիկ եկեղեցիներ են այրվել՝ դրանց տարածքում հնդկացի երեխաների գերեզմաններ հայտնաբերելուց հետո
Քաղաքականություն
28.06.2021 | 14:41
Կանադայի արևմուտքում բնիկների բնակավայրերում այս շաբաթվա ընթացքում այրվել է 4 կաթոլիկ եկեղեցի։ Վերջին շրջանում այս շրջանում կաթոլիկ ինտերնատների տարածքում հարյուրավոր հնդկացի երեխաների գերեզմաններ են հայտնաբերվել, ուր նախկինում հարկադրաբար տանում էին բնիկների ընտանիքներից երեխաներին, գրում է BBC-ի ռուսական ծառայությունը։
Ոստիկանությունից դեռևս չեն կարողանում պնդել, որ այս իրադարձությունների միջև կապ կա։ Շաբաթ լուսադեմին Բրիտանական Կոլումբիա նահանգում՝ երկու տարբեր բնակավայրերում, միաժամանակ այրվել են Սուրբ Աննայի և Չոպակա եկեղեցիները։
Այս դեպքերից 6 օր առաջ՝ Կանադայի բնիկների օրը, Բրիտանիական Կոլումբիայում ևս 2 եկեղեցի էր այրվել։ Ոստիկանությունը դեռևս չի պնդում, որ դրանք հրկիզվել են, սակայն հրդեհները դիտարկում է որպես կասկածելի դեպքեր։
Տաթև Ֆռանգյան
