27.11.2024 | 19:45
Մրցույթ, որը չթույլատրվեց լուսաբանել․ ովքեր ընտրվեցին Երևանի քաղաքապետարանի թափուր պաշտոններում
Մալիում պայթյունի հետևանքով 13 գերմանացի զինվոր է վիրավորվել
Քաղաքականություն
25.06.2021 | 19:23
Մալիում ռումբի պայթյունի հետևանքով վիրավորվել է առնվազն 12 գերմանացի զինվորական, որոնք այս երկրում տեղակայված են ՄԱԿ-ի՝ Մալիում կայունացման հարցերով բազմապրոֆիլային համապարփակ առաքելության շրջանակում, գրում է Անադոլուն։
Գերմանիայի Զինված ուժերի հրամանատարությունը տեղեկացրել է Բունդեսթագում պաշտպանության հարցերով հանձնաժողովին Մալիում իրենց զինվորականների վրա հարձակման մասին։ Պայթյունի հետևանքով վիրավորվել է 13 զինծառայող, որոնցից 12-ը՝ գերմանական բանակի ներկայացուցիչ։
Ռումբը պայթել է ռազմական մեքենաներից ոչ հեռու։ Վիրավորների մեծ թվի պատճառով փրկարարական գործողությանը միացել են Ֆրանսիայի և ՄԱԿ-ի ռազմական ինքնաթիռները:
Մալիում ծառայում է շուրջ 900 գերմանացի զինվորական:
Տաթև Ֆռանգյան
