19.11.2024 | 12:28
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
Արցախի Հանրապետությունը պիտի ճանաչվեր 44-օրյա պատերազմի ընթացքում․ Աշոտյան. ՏԵՍԱՆՅՈՒԹ
Քաղաքականություն
18.06.2021 | 14:41
Հայաստանը 44-օրյա պատերազմի ընթացքում Արցախը ճանաչելու երկու հնարավորություն է ունեցել, սակայն Հայաստանի իշխանություններն այդ քայլին չեն գնացել: Այս մասին նախընտրական քարոզարշավի շրջանակում կազմակերպված ասուլիսին նշեց «Պատիվ ունեմ» դաշինքի ընտրական ցուցակից Արմեն Աշոտյանը:
Անդրադառնալով նախորդ օրը նախընտրական բանավեճին վարչապետի պաշտոնակատար Նիկոլ Փաշինյանի հնչեցրած մտքին, որ Արցախի ճանաչումը կբերեր պատերազմի՝ Աշոտյանն ասաց. «Խնդիրը չէր վերաբերում պատերազմից առաջ Արցախի ճանաչմանը: Դրա մասին երբեք ընդդիմությունը չի բարձրաձայնել: Բայց ընդդիմությունը մշտապես բարձրաձայնել է, որ 44-օրյա պատերազմի ընթացքում կար առնվազն երկու լեգիտիմ, միջազգային հանրության աչքերում արդարացված առիթ և հնարավորություն՝ ճանաչելու Արցախի Հանրապետությունը: Արցախի Հանրապետությունը պիտի ճանաչվեր 44 օրվա ընթացքում, ոչ թե պատերազմից առաջ»:
Աշոտյանի խոսքով՝ այդպիսի հնարավորություն էր ստեղծվել օրինակ, երբ հոկտեմբերի 10-ին Ռուսաստանի միջամտություն ստորագրվեց հումանիտար զինադադար: «Բնական է, որ Հայաստանը պետք է հարգեր իր ռազմավարական դաշնակցի միջնորդական ջանքերը, և մինչև հոկտեմբերի 10-ը պետք չէր ճանաչել Արցախի Հանրապետությունը: Բայց այդ հումանիտար հրադադարը տևեց ընդամենը մի քանի ժամ, Ադրբեջանը խախտեց այն և լեգիտիմ հնարավորություն տվեց Հայաստանի իշխանություններին՝ ճանաչելու Արցախի Հանրապետությունը»,-ասաց նա ու իշխանությանը մեղադրեց դա չանելու մեջ:
Իսկ երկրորդ հնարավորությունը, ըստ Աշոտյանի, հոկտեմբերի 17-ին Ֆրանսիայի միջնորդությամբ ստորագրված հումանիտար զինադադարի ժամանակ էր, երբ Ադրբեջանը կրկին չհարգեց ու խախտեց այն:
Մանրամասները՝ տեսանյութում:
