07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Պուտինն ու Շվեյցարիայի նախագահը Ժնևում քննարկել են Լեռնային Ղարաբաղի հարցը
Քաղաքականություն
17.06.2021 | 14:37
Նախօրեին Ժնևում հանդիպման ժամանակ ՌԴ նախագահ Վլադիմիր Պուտինն ու Շվեյցարիայի նախագահ Գայ Պարմելինը քննարկել են Լեռնային Ղարաբաղի հակամարտությունը։ Այս մասին հաղորդում է swissinfo-ն։
Աղբյուրի փոխանցմամբ՝ Գայ Պարմելինն ու Վլադիմիր Պուտինը, ինչպես նաև Շվեցարիայի ԱԳ նախարար Իգնացիո Կասիսն ու ՌԴ ԱԳ նախարար Սերգեյ Լավրովը փակ դռների հետևում երկկողմ բանակցություններ են անցկացրել։
Հանդիպման ընթացքում Պարմելինն ու Կասիսը կոչ են արել «խաղաղ» հանգուցալուծել Ուկրաինայում իրադրությունը։ Անդրադարձ է եղել նաև Լեռնային Ղարաբաղի հակամարտությանը։
«Քննարկվել է իրավիճակը Լեռնային Ղարաբաղում, որտեղ Ռուսաստանը Հայաստանի ու Ադրբեջանի միջև միջնորդ է, ինչպես նաև Իրանի միջուկային հարցը»,- ասվում է հրապարակման մեջ։
Բացի այդ, Պարմելինը նաև նշել է, որ Շվեյցարիան պատրաստ է միջնորդ լինել ԱՄՆ-ի և ՌԴ-ի միջև բանտարկյալների փոխանակման հարցում։
Էմմա Չոբանյան
