17.09.2026 | 13:47
ԱԺ-ն ՏԿ և ՇՄ պահպանության հարցերի հանձնաժողովի նախագահ է ընտրում. ՈւՂԻՂ
Ստոլտենբերգը Պուտին-Բայդեն հանդիպման նախաշեմին խոսել է ՌԴ-ՆԱՏՕ հարաբերությունների մասին
Քաղաքականություն
16.06.2021 | 13:22
ՆԱՏՕ-ի գլխավոր քարտուղար Յենս Ստոլտենբերգը Պուտին-Բայդեն հանդիպումից առաջ CNN-ի հետ զրուցել է այն մասին, թե ինչպես պետք է ԱՄՆ նախագահ Ջո Բայդենը և ՆԱՏՕ-ն հարաբերություններ կառուցեն Ռուսաստանի հետ:
Ռուսաստանի հետ հարաբերությունները ՆԱՏՕ-ի համար առաջնային դերակատարություն ունեն, միևնույն ժամանակ, դաշինքը երկկողմանի մոտեցում ունի այս հարցին, ամերիկյան հեռուստաալիքին տված հարցազրույցում ասել է ՆԱՏՕ-ի գլխավոր քրտուղարը։
«Ռուսաստանի հետ հարաբերությունները ՆԱՏՕ-ի համար առաջնային նշանակություն ունեն։ Մենք պետք է պաշտպանության առումով ուժեղ լինենք, միևնույն ժամանակ, ՌԴ հետ երկխոսություն է անհրաժեշտ։ Ռուսաստանը մեր հարևանն է, պետք է նրա հետ խոսել։ Եթե անգամ տեսանելի ապագայում չենք տեսնում այդ հարաբերությունները բարելավելու հնարավորություն, մենք պետք է պահպանենք այդ բարդ հարաբերությունները»,- հայտարարել է նա։
Հիշեցնենք, որ ՌԴ և ԱՄՆ ղեկավարները պետք է հանդիպեն այսօր Ժնևում։ Հանդիպման համար հատկացվել է 4-5 ժամ։ Սա կլինի 2018 թվականից հետո Հելսինկիում Դոնալդ Թրամփի և Վլադիմիր Պուտինի հանդիպումից հետո առաջին ռուս-ամերիկյան գագաթնաժողովը։
Տաթև Ֆռանգյան
