17.09.2026 | 11:51
«Ասում ա՝ ղարաբաղցի ա ու տուն ունի, ոնց ես կարողացել փստցնես»․ Կարապետյանը՝ Փաշինյանի ելույթի մասին․ ՏԵՍԱՆՅՈՒԹ
ԵՄ-ն և ԱՄՆ-ն վերջ են դրել Boeing-ի և Airbus-ի շուրջ բազմամյա առևտրային վեճին․ Bloomberg
Քաղաքականություն
15.06.2021 | 22:11
ԱՄՆ-ը և Եվրամիությունը պայմանավորվել են սակագնային զինադադարի մասին համաձայնագիր կնքել Boeing-ի և Airbus-ի գործի շուրջ բազմամյա վեճում, որը դարձել է Առևտրի համաշխարհային կազմակերպության պատմության մեջ ամենաերկարաձգվածներից մեկը: Երկու ընկերությունների միջև վեճը սկսվել է 2004 թվականից:
Ըստ Bloomberg-ի՝ ԱՄՆ Առևտրի հարցերով ներկայացուցիչ Քեթրին Թայը Բրյուսելում լրագրողների հետ զրույցում հայտնել է, որ կողմերը 5 տարի ժամկետով պայմանագիր են կնքել: Համաձայնագիրը ենթադրում է նախկինում ներդրված հարկերի վերացում: Բացի այդ, կողմերը պայմանավորվել են համատեղ աջակցել ինքնաթիռ արտադրողներին:
Ավելի վաղ Bloomberg-ը հայտնել էր, որ Վաշինգտոնը և Բրյուսելը որոշել են սակագնային զինադադար կնքել Չինական առևտրային ավիացիոն կորպորացիայի (Comac) գործունեության զարգացման պատճառով: ԱՄՆ-ը և Եվրոպան վախենում են, որ տասնամյակի վերջին չինական ընկերությունը կկարողանա դառնալ Boeing-ի և Airbus-ի լիարժեք մրցակից և նրանց դուրս կմղի քաղաքացիական ինքնաթիռների շուկայից:
Ավիաարտադրողների պատճառով ԱՄՆ-ի ու ԵՄ-ի միջև վիճաբանությունը սկսվել է 2004 թվականին։ Վաշինգտոնը մեղադրել է Բրյուսելին Airbus-ին ապօրինի պետական սուբսիդավորման մեջ։ Եվրամիությունը համանման ելույթով է հանդես եկել ամերիկյան Boeing-ի հասցեին։
Տաթև Ֆռանգյան
