27.11.2024 | 22:27
Հայաստանի մի շարք հասցեներում էլեկտրաէներգիայի անջատումներ կլինեն
Պուտինն ու Բայդենը Ժնևում կքննարկեն ԼՂ հակամարտության հարցը․ Ուշակով
Քաղաքականություն
15.06.2021 | 11:10
Ռուսաստանի ու ԱՄՆ-ի նախագահներ Վլադիմիր Պուտինն ու Ջո Բայդենը Ժնևում կքննարկեն տարածաշրջանային խնդիրներ, այդ թվում նաև իրավիճակը Լեռնային Ղարաբաղում, Մերձավոր Արևելքում ու Ուկրաինայում։ Քննարկվելու են նաև ռազմավարական կայունության, COVID-19-ի հակազդման, կիբերհանցագործությունների դեմ պայքարը։ Այս մասին հայտնել է ՌԴ նախագահի օգնական Յուրի Ուշակովը, գրում է ՌԻԱ Նովոստին։
Հիշեցնենք, որ Ռուսաստան-ԱՄՆ գագաթնաժողովը տեղի կունենա հունիսի 16-ին Ժնևում։ ՌԴ նախագահի օգնականը նշել է, որ հիմնարար նախապատրաստական աշխատանքներ են տարվել, սպասվող հանդիպման օրակարգում արտացոլվել են գրեթե բոլոր թեմաները, որոնք այժմ անհանգստացնում են ռուսական ու ամերիկյան կողմերին։
«Այն է՝ ռուս-ամերիկյան հարաբերությունների վիճակը և զարգացման հեռանկարները, ռազմավարական կայունության հիմնական խնդիրները, տեղեկատվական անվտանգության խնդիրները, կիբերհանցագործության դեմ պայքարի խնդիրները: Առանձին կքննարկվեն երկկողմ հարաբերությունների չլուծված խնդիրները, ինչից հետո կքննարկվեն տնտեսական համագործակցության թեմաները , կլիման, Արկտիկան և, իհարկե, կորոնավիրուսին հակազդելը », – ասել է Ուշակովը:
Տաթև Ֆռանգյան
