17.09.2026 | 11:51
«Ասում ա՝ ղարաբաղցի ա ու տուն ունի, ոնց ես կարողացել փստցնես»․ Կարապետյանը՝ Փաշինյանի ելույթի մասին․ ՏԵՍԱՆՅՈՒԹ
Դանիան Ռուսաստանին մեղադրել է օդային տարածքը խախտելու մեջ
Քաղաքականություն
11.06.2021 | 23:04
Դանիայի Պաշտպանության նախարարությունը պնդում է, որ ռուսական ինքնաթիռներն օրվա մեջ երկու անգամ խախտել են երկրի օդային տարածքը, այս մասին գրում է ՌԻԱ Նովոստին՝ հղում անելով Ritzau-ին:
«Ռուսական ինքնաթիռները խախտել են Դանիայի օդային տարածքը Բորնհոլմի տարածքում, և երկրի ռազմաօդային ուժերը ստիպված են եղել ինքնաթիռներ բարձրացնել օդ՝ իրավիճակը կարգավորելու համար»,- ասված է գործակալության հայտարարության մեջ:
Նշվում է, որ Դանիայի պաշտպանության նախարար Թրինե Բրահմանը բացատրել է, որ ռազմական գերատեսչությունը փորձում է պարզել միջադեպի բոլոր հանգամանքները: Նրա խոսքով՝ օրվա ընթացքում «արձանագրվել է Դանիայի օդային տարածք ռուսական ինքնաթիռների ներխուժման միանգամից երկու դեպք»:
«Դա տեղի է ունենում շատ հազվադեպ, ուստի այս իրավիճակը, կարծես թե, շատ լուրջ է»,- նախարարըի խոսքերն է մեջբերում գործակալությունը:
Ռուսական կողմը հայտարարել է, որ ռուսական ինքնաթիռների բոլոր թռիչքներն իրականացվել և իրականացվում են չեզոք ջրերի վրայով, օդային տարածքի օգտագործման միջազգային կանոններին խստորեն համապատասխան՝ առանց այլ պետությունների սահմանները խախտելու:
Դանիայի ԱԳ նախարար Յեպպե Կոֆոդն ասել է, որ անընդունելի է համարում ռուսական ինքնաթիռների կողմից Դանիայի օդային տարածքի խախտումը:
«Միանգամայն անընդունելի է, որ ռուսական ինքնաթիռները խախտում են Դանիայի օդային տարածքը և օրվա մեջ երկու անգամ: Նման գործողությունները նման են կանխամտածվածի»,- գրել է նախարարը իր Twitter-յան միկրոբլոգում և հավելել, որ արդեն նախաձեռնել է Ռուսաստանի դեսպանին կանչել ԱԳՆ միջադեպի հետ կապված:
