19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
24 ժամ սպասված ձայնագրությունը․ Սերժ Սարգսյանի քայլն ընդդե՞մ, թե՞ հօգուտ Փաշինյանի․ ՏԵՍԱՆՅՈՒԹ
Քաղաքականություն
10.06.2021 | 19:48
Նախընտրական քարոզարշավի առաջին երեք օրերն աչքի ընկան հակադիր բևեռներից հնչող փոխադարձ մեղադրանքներով ու վիրավորանքներով։ Վարչապետի պաշտոնակատար Նիկոլ Փաշինյանը հունիսի 7-ի քարոզարշավի ընթացքում հայտարարեց, թե երրորդ նախագահ Սերժ Սարգսյանը զինվորներից գողացված գումարը ժամանակին պարտվել է Մոնտե Կառլոյի խաղատներում։ Հաջորդ օրը Սարգսյանն արձագանքեց Փաշինյանի մեղադրանքներին՝ նշելով, թե Բադեն-Բադեն այցելելիս ինքը խուսափել է անգամ խաղատան փողոց մտնել, իսկ Մոնակոյում վերջին 15 տարում չի եղել։ Այս պարզաբանմամբ, սակայն, Սարգսյանը չսահմանափակվեց և Փաշինյանին վերջնագիր ներկայացրեց․ եթե 24 ժամվա ընթացքում փաստ չներկայացնի, ապա ինքը Փաշինյանին և նրա ընտանիքին վերաբերող փաստեր կհրապարակի։
24 ժամը լրացավ․ Փաշինյանը որևէ փաստ չներկայացրեց։ Սարգսյանն էլ, խոստացածի համաձայն, ձայնագրություն հրապարակեց, որտեղ Նիկոլ Փաշինյանը խոսում էր արցախյան բանակցային գործընթացի մասին:
Փաշինյանը Սարգսյանի հրապարակած ձայնագրությանն արձագանքեց արդեն հաջորդ օրը՝ դարձյալ քարոզարշավային հանդիպման ժամանակ։ Նա նշեց, որ հիմա էլ մարդիկ իրեն հողերը չտալու մեջ են մեղադրում և շեշտեց՝ Ղարաբաղյան հարցի բանակցային գործընթացն ինքը ժառանգել է փակուղային, դեֆորմացված վիճակում։
Սարգսյանի կողմից հրապարակված ձայնագրությունն ավելի շատ հօգուտ Փաշինյանի՞ էր, թե՞ հակառակը․ քաղաքագետների տեսակետները տարբեր են:
Մանրամասները՝ տեսանյութում։
Մերի Մարտիրոսյան
