08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
ԵՄ 100 միլիոն քաղաքացի պատվաստվել է կորոնավիրուսի դեմ
Քաղաքականություն
10.06.2021 | 21:22
Եվրամիության անդամ երկրներն ամբողջությամբ կորոնավիրուսի դեմ պատվաստել են իրենց 100 միլիոն քաղաքացիներին։ Այս մասին հայտնել է Եվրահանձնաժողովի ղեկավար Ուրսուլա ֆոն դեր Լայենը G7-ի գագաթնաժողովի նախաշեմին, գրում է korrespondent-ը։
«Եվրամիությունն արդեն ամբողջությամբ պատվաստել է իր 100 միլիոն քաղաքացիներին, իսկ հասուն բնակչության գրեթե 50%-ն արդեն պատվաստված է մեկ դեղաչափով»,- հայտարարել է ֆոն դեր Լայենը։
Ինչպես հայտնի է՝ ԵՄ անդամ երկրների ընդհանուր բնակչության թիվը կազմում է 450 միլիոն։ Եվրահանձնաժողովի ղեկավարը նշել է, որ ԵՄ-ն իր քաղաքացիներին պատվաստելիս «հիշում է նաև իր գործընկերներին»։ ԵՄ երկրների ձեռնարկություններում տարեսկզբից արտադրվել է շուրջ 700 միլիոն չափաբաժին պատվաստանյութ, որից 350 միլիոն դեղաչափն արտահանվել է:
ԵՄ-ում արտադրված պատվաստանյութերի հիմնական ստացողները եղել են ԱՄՆ-ը և Մեծ Բրիտանիան:
Հիշեցնենք՝ Եվրամիությունը հաստատել է չորս ընկերությունների պատվաստանյութերի օգտագործումը՝ Pfizer/BioNTech, AstraZeneca, Moderna և Johnson & Johnson:
Տաթև Ֆռանգյան
